საჭირო ინგრედიენტები: 2 კილოგრამი ღორის რბილი ხორცი, 4 ცალი მოზრდილი პომიდორი, 400 გრამი მაგარი ყველი, 2 თავი ხახვი, 500 გრამი ქამა სოკო, 1 კონა კამა, სუნელი, მარილი და შავი პილპილი – გემოვნებით.

მომზადების წესი: ღორის ხორცი დაჭერით სტეიკის ნაჭრებად, თითოეულს ყველა მხრიდან წაუსვით ცოტა მარილი, პილპილი და სუნელი და დააწყვეთ ზეთიან ტაფაზე. 

პომიდორი დაჭერით რგოლებად და ხორცის თითოეულ ნაჭერზე დააწყვეთ ორი-სამი ცალი. გახეხეთ ყველი, გაყავით ორ ნაწილად. ერთი ნაწილი მოაყარეთ პომიდვრის ნაჭრებს, ზემოდან კი – წვრილად დაჭრილი ცოტა კამა. ცალკე ტაფაზე მოშუშეთ ძალიან წვრილად დაჭრილი ხახვი, დაუმატეთ დაჭრილი სოკო და შუშეთ,  სანამ მთელი სითხე არ ამოშრება. გააცივეთ, ხახვიანი სოკო მოათავსეთ ყველიანი და კამიანი ხორცის ნაჭრებზე, სულ ზემოდან მოაყარეთ დარჩენილი ყველი და აცხვეთ 50-60 წუთის განმავლობაში, 200 გრადუს ტემპერატურაზე (აირღუმელი წინასწარ გააცხელეთ).