* პატარა, მაგრამ სწრაფმავალი სამხედრო გემებისგან შემდგარ ფლოტს, რომელიც საკმაოდ საშიშ ძალას წარმოადგენდა დიდი ხომალდებისთვის, მოსკიტებს უწოდებდნენ.

* ძველ რომში ნოემბერი მეცხრე თვე იყო.

* ცოტა ხნის წინ რამდენიმე ამერიკელი ბეისბოლისტი და კალათბურთელი დაადანაშაულეს გვერდითი შემოსავლებიდან გადასახადების დამალვაში. გვერდითი შემოსავლები კი ავტოგრაფებში ფულის აღება იყო.

* პოემაში გილგამეშზე „ბიბლიის“ ანალოგიური ისტორიაა მოთხრობილი – ადამიანი უკვდავებას გველის გამო კარგავს.

* ვარვარების ნათურის ვოლფრამის სპირალი-ძაფი პირველად 1909 წელს დაამზადეს.

* პეტრე ჩაიკოვსკიმ „წლის დროები“ მუსიკალური ჟურნალის „ნუველისტის“ შეკვეთით შექმნა, 12 ციკლი თანამიმდევრულად დაიბეჭდა 1876 წლის ჟურნალის თორმეტ ნომერში. 

* პლინიუსმა ეთიოპიის ცხოველთა სიაში შეიყვანა სფინქსი; აღწერაში კი მისი მოწითალო-წაბლისფერი ბეწვი, ბრტყელი მკერდი და გამოცანების სიყვარული მიუთითა.

* როგორც ცნობილია, აგათა კრისტი ვერ იტანდა ჭურჭლის რეცხვას. ამბობენ, რომ სწორედ მისმა იდეამ მისცა ბიძგი პირველი ჭურჭლის სარეცხი მანქანის გამოგონებას.

* ტერმინი „ბანანის რესპუბლიკა“ პირველად გამოიყენა ო’ჰენრიმ ნაწარმოებში „მეფეები და კომბოსტო“.

* შვედურ საფეხბურთო კლუბ „ბალკანში“ თამაშობენ მხოლოდ ბალკანეთის ქვეყნების წარმომადგენლები.

* ჩინეთში ხშირად მიირთმევენ პატარ-პატარა, გამომშრალ მიდიებს – მათ ზღვის ბრინჯს უწოდებენ.

* ყველაზე მაღალი სპირალური კიბე ესპანეთის ქალაქ ბარსელონას გარეუბანში, საკვამლე მილის „ბიბლია ალმირალისის“ გარშემოა დამონტაჟებული. ის 217 საფეხურისგან შედგება.

* ძველად ხალხს მიაჩნდათ, რომ ელვა-ჭექის დროს ჯერ ელვას ხედავდნენ და შემდეგ კი ჭექა-ქუხილის ხმა ესმოდათ და ასე იმიტომ ხდებოდა, რომ, თვალები სახის წინა ნაწილში ჰქონდა, ყურები კი – უკან.

* 1932 წელს მეათე ოლიმპიური თამაშებისთვის ლოს-ანჯელესის რაიონში გაჩნდა დასახლება, რომელსაც დღესაც იგივე სახელი ჰქვია – „ოლიმპიური სოფელი”.