უხეში ხუმრობის ლამაზად მოგერიებას, ისე, რომ უხერხულ სიტუაციაში არ ჩავარდეთ, ვერ ისწავლით, თუ ამის ნიჭი არ დაგყვათ. აი, ვის შეეძლო, თავის ადგილზე „მოესვა“ თავხედი და გესლიანი „ხუმარები“ უფრო მახვილგონივრული ხუმრობით:

ამერიკის პრეზიდენტი კელვინ კულიჯი VS ქალბატონი ვახშამზე თეთრ სახლში

ქალბატონი: ბატონო კულიჯ, ჩემს ნაცნობს დავენიძლავე... მითხ         რა, რომ ვერ შევძლებდი, თქვენგან ორ სიტყვაზე მეტი „ამომექაჩა“.

კულიჯი: თქვენ წააგეთ.

უინსტონ ჩერჩილი VS ბერნარდ შოუ

შოუ: თქვენთვის ორი ბილეთი შემოვინახე – პრემიერაზე მობრძანდით და რომელიმე მეგობარი წამოიყვანეთ... თუ, რა თქმა უნდა, გყავთ.

ჩერჩილი: პრემიერაზე მოსვლას ვერ შევძლებ. მორიგ სპექტაკლზე მოვალ, თუ, რა თქმა უნდა, გაიმართება.

უინსტონ ჩერჩილი VS ბესი ბრედოკი

ბესი ბრედოკი: თქვენ ნასვამი ხართ.

ჩერჩილი: მართალია. თქვენ კი – შეუხედავი. მაგრამ, ხვალ დილით მე ფხიზელი ვიქნები, თქვენ კი – ისევ შეუხედავი.

მსახიობი ქალი ილკა ჩეიზი VS უცნობი მსახიობი

– მე ისე მომეწონა თქვენი წიგნი... ვინ დაგიწერათ?

– მოხარული ვარ, რომ მოგეწონათ! ვინ წაგიკითხათ?

ამერიკელი მსახიობი ჯონ ბერიმორი VS ქალების ტუალეტში

ქალბატონი: როგორ ბედავთ, ეს ხომ ქალბატონებისთვისაა?!

ბერიმორი შემოტრიალდა: ესეც ქალბატონებისთვისაა, ესეც!

ნილს ბორი VS რეპორტიორი

რეპორტიორი: თქვენ მართლა გჯერათ, რომ ნალი ბედნიერებას მოგიტანთ?

ბორი: რა თქმა უნდა, არა, მაგრამ, ამბობენ, მას ბედნიერება მათთვისაც მოაქვს, ვისაც ამის არ სჯერა. 

აბრაამ ლინკოლნი VS სენატორი სტივენ დუგლასი

აბრაამ ლინკოლნს დებატებში სენატორმა სტივენ დუგლასმა ორსახოვანი უწოდა.

ლინკოლნი: შეხვედრაზე მივდივარ... როგორ ფიქრობთ, ამ სახით წავიდე?

სენატორი ფრიც ჰოლინგსი VS ჰენრი მაკმასტერი

სენატორს ოპონენტმა ნარკოტიკების ტესტის გავლა ურჩია.

ჰოლინგსი: მე გავივლი ნარკოტესტს, თუ თქვენ IQ-ს ტესტს ჩააბარებთ.

აბრაამ ლინკოლნი VS უცხოელი დიპლომატი

დიპლომატი: ბატონო ლინკოლნ, თქვენ თვითონ წმენდთ თქვენს ფეხსაცმელებს?

ლინკოლნი: დიახ. თქვენ კი ვისას წმენდთ ხოლმე?

როკ-მუსიკოსი ფრენკ ზაპა VS შოუმენი ჯო პაინი

ჯო პაინს შოუ ერთგვარად გესლიანად მიჰყავდა, ზოგი ამბობდა, რომ ამპუტირებული ფეხის გამო.

პაინი: ვფიქრობ, რომ გრძელმა თმამ ქალად გაქციათ.

ზაპა: თქვენ კი ხის ფეხმა – მაგიდად.

ოსკარ უაილდი VS ლუის მორისი

მორისი: ჩემ წინააღმდეგ შეთქმულებაა – დუმილის შეთქმულება. რა გავაკეთო?

უაილდი: შეუერთდი.