ტოლსტოი: ძლიერი ადამიანები ყოველთვის უბრალოები არიან. 

ტვენი: ადამიანი ერთი და იმავე დროს კიდეც, ხედავს და ვერ ხედავს.

სმაილსი: ადამიანი თავისი ნებისყოფის მიხედვით, დიდია ან პატარა.

სპინოზა: ადამიანის წადილში გამოიხატება მისი არსება.

სერვანტესი: შელახული ღირსების აღსადგენად ადამიანს ყოველგვარი უკიდურესობა მიეტევება.

სავონაროლა: არ არსებობს უფრო მავნე ცხოველი, ვიდრე ადამიანი, რომელიც არ მისდევს კანონს.

რუსო: მეტისმეტი სიხარული და მეტისმეტი მწუხარება არ შეჰფერის გონიერ ადამიანს.

რიხნერი: ადამიანი ერთადერთი ცოცხალი არსებაა დედამიწაზე, რომელმაც იცის, რომ უნდა მოკვდეს.

რობესპიერი: რაც უფრო მეტია ადამიანში სიმამაცე და პატრიოტიზმი, მით უფრო შეეცდებიან საზოგადოების მტრები მის დაღუპვას.

რაბლე: ადამიანის გონება მუშტებზე ძლიერია.

რადიშჩევი: მხოლოდ მაშინ გახდები ადამიანი, როცა ისწავლი სხვაში ადამიანის დანახვას.

ლაბრიუერი: მთელი ჩვენი უბედურება იქიდან მომდინარეობს, რომ მარტო არსებობა არ შეგვიძლია.

ტაციტუსი: მწუხარებას საჩვენებლად ისინი გამოხატავენ, ვინც ნაკლებად სწუხან.

ლაროშფუკო: ურთიერთობა დიდხანს არასდროს არ გასტანს, მარტო ერთი მხარე რომ იყოს მტყუანი.

ციცერონი: ორატორის უდიდესი ღირსებაა, არა მარტო თქმა იმისა, რაც საჭიროა, არამედ უთქმელობაც იმისა, რაც საჭირო არაა.

საადი: მოიფიქრე – ნააზრევს უფრო დაგიჯერებენ და შეჩერდი, სადამდეც სხვები შეგაჩერებენ.

სუვოროვი: სისწრაფე საჭიროა, სიჩქარე კი არ ვარგა.

პუბლიუსი: სმენა უფრო იოლად ითმენს წყენას, ვიდრე მხედველობა.

შოპენჰაუერი: ნუ ეტყვი მეგობარს იმას, რაც მტერმა არ უნდა იცოდეს.

კუნანბაევი: ადამიანის ღირსება განისაზღვრება იმ გზის მეშვეობით, რომლითაც ის მიზნისკენ მიემართება და არა იმით, მიაღწევს თუ არა მას.

ჰორაციუსი: მოსაუბრის ზნეობრიობა უფრო მეტში გვარწმუნებს, ვიდრე თვითონ საუბრის თემაა.

ჟან პოლი: სიყვარული ისტორიაა ქალის ცხოვრებაში და ეპიზოდი – კაცის ცხოვრებაში.

სვიფტი: ქორწინების უმრავლესობა უიღბლოა იმიტომ, რომ ახალგაზრდა ცოლები იმის მაგივრად, გალიებზე იზრუნონ, ბადეებს ქსოვენ.

მენკენი: ყველაზე ცუდი ქორწინებაში ის არის, რომ ის ქალს აიძულებს, იფიქროს, თითქოს ყველა მამაკაცის გაცურება ასე ადვილი იყოს.