* ფრანგი ექიმი – რენე ლაზნეკი ზედმეტად აზიზი იყო, ამიტომაც სტეტოსკოპი გამოიგონა.

* მაღალი კლასის რესტორნებში, კაფეებსა და სასადილოებში არ გამოიყენება ეგრეთ წოდებული დღის განათება, რადგან კერძები ასეთ შუქზე არაბუნებრივად ჩანს და სტუმრებს მადას უკარგავს.

* გერმანულ ენასა და ინგლისურ სალაპარაკო ენაში უფრო მეტი საერთოა, ვიდრე ლიტერატურულში.

* 2012 წელს კომპანია „კოკა-კოლამ“ კონტრაქტი გაწყვიტა ბრაზილიელ ფეხბურთელთან, რონალდინიოსთან, რომელსაც სარეკლამო ხელშეკრულება ჰქონდა დადებული 2011-დან 2014 წლამდე. ფეხბურთელი პუბლიკასთან „პეპსის“ ქილით ხელში გამოვიდა.

* ცნობილი რუსული სარაფანა ადრე მამაკაცების სამოსი იყო.

* იოანე-პავლე მეორემ ორმოცჯერ იმოგზაურა ყველა კონტინენტზე, ანტარქტიდის გარდა.

* მინამბერების გარეშე წარმოუდგენელია ქიმიური გამოკვლევები და... ახალი წლის ნაძვის ხე.

* კარდინალს იმიტომ აცვია წითელი მანტია, რომ ის მზად არის, გაიღოს თავისი სისხლი ეკლესიის დასაცავად.

* გაერთიანებული ევროპის ჰიმნის ერთ-ერთ ვარიანტად წარდგენილია ოდნავ სახეშეცვლილი „მარსელოზა“. ფრანგული ვარიანტიდან ამოღებულია სხვა ქვეყნებისადმი მიმართული აგრესიული სიტყვები.

* ჰოლანდიური გულდენი სანკტ-პეტერბურგის მეტროში შეიძლება ჟეტონის მაგივრად გამოიყენოთ.

* ცნობილი მეცნიერი ტორიჩელი ხელმოკლეობის გამო ძვირად ღირებული ცდების ჩატარებას თვითონ ვერ ახერხებდა და მეცნიერის ხელმძღვანელობით, ამას მისი მოსწავლე გრაფი ვივიანი ასრულებდა.

* მსოფლიოში ბენზინზე ყოველდღიური მოთხოვნა 4,5 მილიარდი ლიტრია.

* მოსახლეობას ყველაზე მეტად ატომური ომის შიში აქვს, 49 პროცენტს – კლიმატური კატასტროფის,  გარემოს დაბინძურების – 36 პროცენტს, ბირთვულ რეაქტორზე აფეთქების – 35 პროცენტს, ადამიანების კლონირების – 28 პროცენტს, ბაქტერიების გენური ლაბორატორიიდან „გაჟონვის“ – 26 პროცენტს, ტყეების გაქრობის – 20 პროცენტს, ნავთობის გამოლევის – 7 პროცენტს, უინფორმაციობის – 5 პროცენტს, მეტეორიტების ცვენის – 3 პროცენტს, უცხოპლანეტელების – 1 პროცენტს

10 ფაქტი ჰოლივუდზე

1. ჰოლივუდის ნიშანი 1923 წელს შეიქმნა, მაგრამ არა როგორც „მსოფლიოს ოცნებების ფაბრიკის“ სიმბოლო, უბრალოდ, ეს იყო ლოს-ანჯელესის ახალი საცხოვრებელი კვარტლის რეკლამა. წარწერა უფრო გრძელი იყო: HOLLYWOODLAND. ფიქრობდნენ, რომ წელიწადნახევარს გაძლებდა, თუმცა, კინოინდუსტრიის სწრაფი განვითარების გამო, გადაწყვიტეს, დაეტოვებინათ.

2. ბრიტანელმა მსახიობმა პეგ ენტუისლმა, იმის გამო, რომ ჰოლივუდში წარმატებას ვერ მიაღწია, სიცოცხლე თვითმკვლელობით დაამთავრა – ასო „H“-დან გადახტა.

3. მეორე მსოფლიო ომის დროს „ოსკარის“ ქანდაკება თაბაშირისგან დაამზადეს.

4. დროთა განმავლობაში HOLLYWOOD-ის ასოებმა „ცვენა“ დაიწყო. 1978 წელს ჟურნალ „ფლეიბოის“ დამაარსებელმა ჰიუ ჰეფნერმა ორგანიზება გაუკეთა აუქციონს, რომელიც 3 თვის განმავლობაში მიმდინარეობდა. ამერიკელმა როკ-მუსიკოსმა ელის კუპერმა დაასპონსორა ასო „O“-ს აღდგენა. ჯინ ოტრიმ და პოლ უილიამსმა კი – „L“ და „W“ დააფინანსეს.

5. „დიდების ხეივანში“ პირველ ვარსკვლავს, რომელიც ჯოან ვუდვარდს მიეძღვნა, 1960 წლის 9 თებერვალს ჩაეყარა საფუძველი.

6. „ვარსკვლავები“ ენიჭებათ კინოინდუსტრიის განვითარებაში შეტანილი წვლილისთვის, ხმის ჩაწერაში, თეატრში, ტელევიზიასა და რადიოში მიღწეული წარმატებებისთვის.

7. ჯინ ოტრი ხელოვნების ერთადერთი მოღვაწეა, რომელსაც ვარსკვლავზე 5 ემბლემა აქვს.

8. 2001 წლის ნოემბერში ჰოლივუდის გულში გაიხსნა „კოდაკის თეატრი“, რომელიც 3 000 მაყურებელს იტევს. ეს თეატრი ამერიკული კინოხელოვნების აკადემიის პრემიის – „ოსკარის“ გადაცემის მუდმივი ადგილი გახდა

9. ჰოლივუდში კინოს აჩვენებენ ყველგან – დიდ ეკრანებზე, კედლებზე, პლაკატებზე, სასაფლაოებზეც. აქ არის „ვარსკვლავური სასაფლაო“ HOLLYWOOD. ახალ ფილმებს კინოფორუმ Cinespia-ს ჩარჩოებში აჩვენებენ ჰოლივუდის ლეგენდის, რუდოლფო ვალენტინოს მავზოლეუმის კედლებზე.

10. ტერმინი „ჰოლივუდის ღიმილი“ მოიფიქრა ფრანგმა სტომატოლოგმა ჩარლზ პინკუსმა გასული საუკუნის 30-იან წლებში. ჰოლივუდელ მსახიობებს მოელვარე, ჩაწიკწიკებული თეთრი კბილებით რომ მოეწონებინათ თავი სწორედ მან გამოიგონა ტექნოლოგია HOLLYWOOD LIMINATES – კერამიკული მთლიანი გვირგვინი, რომელიც მსახიობის კბილებზე სპეციალური ადგეზიური, ანუ, წებოვანი ფხვნილის საშუალებით მაგრდებოდა.

გვერდი მოამზადა

ლაშა გაბელიამ