ამერიკელმა პროფესორმა კოლინ კემპბელმა შეიმუშავა ვეგეტარიანული დიეტა და საზოგადოებას სთავაზობს პროდუქტების კალათას, რომელში შემავალი პროდუქტების მიღებაც ნებადართულია მხოლოდ უმი, მოხარშული ან ორთქლზე დამუშავებული სახით.

რეჟიმი: კვებასა და კვებას შორის მინიმუმ 1, მაქსიმუმ 2 საათი; ბოლო კვება – 19 საათზე.

საკვების რაოდენობა: მინიმუმ 200, მაქსიმუმ 300 გრამი.

სითხის რაოდენობა: მინიმუმ 1,5, მაქსიმუმ 2,5 ლიტრი.

მაქსიმალურად ჩართეთ მენიუში:

ხილი – ავოკადო, ფორთოხალი, საზამთრო, გრეიპფრუტი, მსხალი, ნესვი, მაყვალი, კივი, მარწყვი, ჟოლო, მანგო, პაპაია, ატამი, მოცვი, ვაშლი.

ბაღჩეული – ბადრიჯანი, კიტრი, პომიდორი, ბულგარული წიწაკა, ყაბაყი.

მარცვლეული და ბურღულეული – წიწიბურა, სიმინდი, ქერი, ჭვავი, ხორბალი, ბრინჯი.

ფოთლოვანები, ბოსტნეული – არტიშოკი, ბაზილიკი, წყალმცენარეები, ყველა სახეობის კომბოსტო, ჭარხლის ფოთოლი, ისპანახი, ყველა სახეობის სალათის ფოთლები, სატაცური, ქინძი, ოხრახუში, ნიახური.

მინიმალური რაოდენობით გამოიყენეთ:

რაფინირებული ნახშირწყლები – მაკარონი, ვერმიშელი, თეთრი პური, კრეკერები, შაქარი, მარილი, ნამცხვრები, ტორტი, ცომეული.

მცენარეული ზეთები – სიმინდის, არაქისის, ზეითუნის, მზესუმზირის.

თევზეული – ორაგული, თინუსი, ხეკი.

გამორიცხეთ:

ხორცეული – ბიფშტექსი, ჰამბურგერი, ცხიმიანი ღორის ხორცი, ფასტფუდი.

ჩიპსები და შემწვარი კარტოფილი.

ფრინველი – ქათამი, ინდაური.

რძის პროდუქტები – ყველი, რძე, არაჟანი, იოგურტი.