14 ივლისი

1099 – პირველი ჯვაროსნული ლაშქრობის მონაწილეებმა, გოტფრიდ ბუიონელის სარდლობით, აიღეს იერუსალიმი.

1789 – ბასტილიის აღება – საფრანგეთის დიდი რევოლუციის დასაწყისი.

1845 – დიდი ხანძარი ნიუ-იორკში. დაიწვა 2 000-ზე მეტი სახლი.

1946 – გამოვიდა ბენჯამინ სპოკის ბესტსელერი „ბავშვი და მისი მოვლა“. ეს წიგნი მეორე ადგილზეა მსოფლიოში გაყიდვების მიხედვით, ბიბლიის შემდეგ.

15 ივლისი

1669 – დასრულდა ვულკან ეტნას (სიცილია) უდიდესი ამოფრქვევა, რომელიც 4 თვეს გრძელდებოდა.

1869 – ფრანგმა იპოლიტ მეგა-მურიემ დააპატენტა მარგარინი.

1953 – ამერიკის შეერთებული შტატების ეკრანებზე გამოვიდა ფილმი „ზოგიერთებს უფრო ცხელი უყვართ“, ჩვენში ცნობილია, როგორც „ჯაზში მხოლოდ ქალიშვილებია“.

1970 – დანიის ნაკრები გახდა მსოფლიოს პირველი ჩემპიონი ქალების ფეხბურთში.

16 ივლისი

1945 – ალამოგორდოში (ამერიკის შეერთებული შტატები) ისტორიაში პირველი ატომური ბომბი ააფეთქეს (საცდელი).

1979 – სადამ ჰუსეინი გახდა ერაყის პრეზიდენტი.

17 ივლისი

1453 – დასრულდა „ასწლიანი“ ინგლის-საფრანგეთის ომი (1337-1453).

1754 – დაარსდა კოლუმბიის უნივერსიტეტი (ამერიკის შეერთებულ შტატებში).

1868 – იაპონიის დედაქალაქი ქალაქ კიოტოდან ქალაქ ედოში გადავიდა, რომელსაც სახელი შეუცვალეს და ტოკიო დაარქვეს.

1918 – ეკატერინბურგში კომუნისტმა კომისრებმა დახვრიტეს რუსეთის ბოლო იმპერატორი ნიკოლოზ მეორე და მისი ოჯახი.

1945 – დაიწყო პოდსტამის კონფერენცია სტალინის, ჩერჩილისა და ტრუმენის მონაწილეობით.

18 ივლისი

64 – რომში დაიწყო დიდი ხანძარი, რომელმაც ქალაქის 10 უბანი გაანადგურა. დადიოდა ხმები, რომ ხანძარი იმპერატორ ნერონის ბრძანებით გააჩინეს. თვით ნერონმა კი ის ქრისტიანებს დააბრალა.

1921 – საფრანგეთი გახდა პირველი ქვეყანა, სადაც შემოიღეს ტუბერკულოზის საწინააღმდეგო სავალდებულო აცრა ბავშვებისთვის („ბეცეჟე“).

1925 – პირველად გამოქვეყნდა ადოლფ ჰიტლერის „მაინ კამფი“.

19 ივლისი

1870 – დაიწყო საფრანგეთ-პრუსიის ომი, რომელიც სექტემბერში საფრანგეთის განადგურებით დასრულდა.

1886 – ლუქსემბურგში შედგა ფერენც ლისტის უკანასკნელი კონცერტი.

1900 – გაიხსნა პარიზის მეტრო.

1903 – ფრანგი მორის გარენი გახდა ველორბოლა „ტურ დე ფრანსის“ პირველი გამარჯვებული.

1946 – ეპიზოდური როლით ერთ-ერთ უმნიშვნელო ფილმში შედგა მერლინ მონროს კინოდებიუტი.

20 ივლისი

1924 – დაარსდა საერთაშორისო საჭადრაკო ორგანიზაცია – ფიდე.

1944 – ფაშისტურ გერმანიაში განხორციელდა ჰიტლერის მკვლელობის წარუმატებელი მცდელობა.

1969 – ადამიანმა პირველად დადგა ფეხი მთვარეზე.