1. აგარაკზე წახვედით და პატარა ნიჩაბი დაგჭირდათ?! ან, თუნდაც, პატარა აქანდაზი, რომელსაც ჩვეულებრივ პირობებშიც კარგად გამოიყენებთ? მაშინვე მაღაზიაში ნუ გაიქცევით. საკუთარი ხელითაც მარტივად გააკეთებთ მას. კარგად დახედეთ ამ სურათებს. ხომ მართლაც ძალიან ადვილია? ასეთ პლასტმასის ჭურჭელში, ჩვეულებრივ, ჩასხმულია ხოლმე ხილის წვენი, ან, სულაც რომელიმე ქიმიური ან სარეცხი საშუალება – აქანდაზი-ნიჩბისთვის ამას არსებითი მნიშვნელობა არ აქვს.

2. საკვები, პური, ბურღული თუ შაქარი, ხშირად არის მოთავსებული ქაღალდის ან პოლიეთილენის შეფუთვაში. როცა მას გახსნით, ირღვევა ჰერმეტულობაც და, შეიძლება, დაიპნეს კიდეც, რის გამოც იძულებული ხდებით, გადაიტანოთ სხვა ჭურჭელში ან შეფუთვაში. თუმცა, არსებობს გამოსავალი – პოლიეთილენის ბოთლი... დიახ, ჩვეულებრივი ბოთლი, რომელშიც მინერალური და ჩვეულებრივი წყალია ჩასხმული. კარგად დახედეთ სურათებს. აიღეთ ბოთლი და გადაჭერით თავი ისე, რომ „ყელის“ ქვემოთ სამი-ოთხი სანტიმეტრის სიგრძეზე პოლიეთილენი კიდევ დარჩეს. მერე ჩამოაცვით შეკვრას, ნაპირები გადმოკეცეთ ბოთლის ყელზე და მჭიდროდ მოუჭირეთ თავსახური – სულ ეს არის. არც დაიპნევა და არც გაფუჭდება.