აიღეთ 21 კარტი და დააწყვეთ სამ პარალელურ მწკრივად, ანუ, შვიდ ვერტიკალურ კოლონად, სთხოვეთ რომელიმე მაყურებელს, დაიმახსოვროს ნებისმიერი ერთი კარტი და მიგითითოთ, რომელ მწკრივში დევს. ამის შემდეგ თითოეულ მწკრივში მდებარე კარტები აკრიფეთ სამ ცალკეულ დასტად და შუაში მოათავსეთ ის დასტა, რომელშიც დამახსოვრებული კარტი დევს. ამგვარად ერთად თავმოყრილის ამივე დასტა გადააბრუნეთ ისე, რომ ნახატები ქვემოთ მოექცეს. 

ისევ დააწყვეთ 7-7 კარტი სამ კოლონად და სთხოვეთ მაყურებელს, გიჩვენოთ, რომელ მწკრივში აღმოჩნდა მისი დამახსოვრებული კარტი. ისევ სამ დასტად აკრიფეთ მწკრივები და შუაში კვლავ ის დასტა მოაქციეთ, რომელშიც ამჯერად აღმოჩნდა დამახსოვრებული კარტი. იგივე მოქმედება გაიმეორეთ მესამედაც. შემდეგ გადათვალეთ ათი კარტი და მეთერთმეტე აღმოჩნდება თქვენი გამოსაცნობი კარტი.

ფოკუსის საიდუმლო: ფოკუსი ყოველთვის რომ გამოგივიდეთ, ის დასტა, რომელშიც დამახსოვრებული კარტია, აუცილებლად დანარჩენ ორ დასტას შორის უნდა მოათავსოთ.