კანის ღრმა დატენიანების მიზნით ჩატარებული ბიორევიტალიზაციის პროცედურები საგრძნობლად აფერხებს ნაოჭების წარმოქმნას, მაგრამ, არის თუ არა ის ჯანმრთელობისთვის საშიში?

ორგანიზმში ყველა პროცესი ერთმანეთზეა დამოკიდებული. ჰიალურონის მჟავა იშლება განსაკუთრებული ფერმენტით – ჰიალურონიზადით; ამასთან, ჰიალურონის მჟავისა და კოლაგენის (ელასტინთან ერთად) გამომუშავების პროცესი ურთიერთგადაჯაჭვულია. რაც უფრო მეტი ჰიალურონი სინთეზირდება, მით უფრო აქტიურად გამოიმუშავებენ ფიბრობლასტები კოლაგენსა და ელასტინს. როდესაც ხდება გელის შეყვანა ჰიალურონის მჟავის ფუძეში, იზრდება ჰიალურონიზადის სინთეზი, რაც თავისთავად, აძლიერებს კოლაგენაზისა და ელასტაზის სინთეზს. ეს კი შლის კოლაგენსა და ელასტინს, რომელთა დამატებით შეყვანაც არ მომხდარა.

ეფექტი: თავიდან სწორდება წვრილი ნაოჭები. ზოგჯერ სახე იღებს დამახასიათებელ ბზინვარებას. შემდეგ კანი ხდება თხელი, ჭიმავს სახის სტრუქტურას და ეს მდგომარეობა უნდა შენარჩუნდეს.

ჰიალურონის მჟავის ფუძეზე დამზადებული ფილერების გამოყენება დასაშვებია 40 წლის ზემოთ. კურსებს შორის აუცილებელია სარეაბილიტაციო პერიოდი – 12 თვე და ასევე, შედეგის შესანარჩუნებელი სპეციალური პროცედურები.

რჩევა: მიმართეთ მხოლოდ ძალიან გამოცდილ სპეციალისტს.