კითხვა: საჭიროა თუ არა SPF დამცავი კრემების გამოყენება რუჯის ეფექტის მქონე მაკიაჟის გაკეთების დროს?

პასუხი: რუჯის ეფექტის მქონე მაკიაჟის გაკეთებისას SPF დამცავი კრემების გამოყენება აუცილებელი არ არის. საკმარისია ბრინჯაოსფერი პუდრი და მბზინავი საშუალებები.

კითხვა: მაინტერესებს, ამცირებს თუ არა გარუჯვა წვრილ ნაოჭებს?

პასუხი: წვრილი ნაოჭების ყველაზე ბუნებრივი კორექტორი არის მსუბუქი რუჯი – მუქ კანს გაცილებით ნაკლებად ემჩნევა დანაოჭება. მაგრამ, ულტრაიისფერი სხივების დიდი დოზით მიღების შემთხვევაში კანი, პირიქით, უფრო სწრაფად იფიტება და ჭკნება.

კითხვა: რომელი ხილისა და ბოსტნეულის ცოცხალი ნიღბის გაკეთება ჯობია ამ სეზონზე?

პასუხი: თუ ალერგიული არ ხართ, გირჩევთ, გაიკეთოთ იმ ხილის ან ბოსტნეულის ნიღაბი, რომელიც ხელთ გაქვთ. თითოსაათიანი ინტერვალით, დღის განმავლობაში შეგიძლიათ გაიკეთოთ 2-3 სხვადასხვა პროდუქტის ნიღაბი, ჩამოიბანოთ ნელთბილი წყლით და წაისვათ თქვენი მკვებავი ან ზეითუნის ზეთი.

კითხვა: შეიძლება თუ არა, სახის მკვებავი (მშრალი კანისთვის) ხელებზე წასასმელადაც გამოვიყენო?

პასუხი: სახის მკვებავის ხელებზე წასმა დასაშვებია, მაგრამ, ხელის კრემის სახისთვის გამოყენება კატეგორიულად არ შეიძლება.

კითხვა: მაინტერესებს, დასაშვებია თუ არა სხვადასხვა ბოსტნეულის (მაგალითად, გახეხილი კიტრისა და პომიდვრის) ერთმანეთში შერევა ნიღბის გასაკეთებლად?

პასუხი: ეს არა მარტო დასაშვებია, არამედ, უკეთესიც არის, ოღონდ სასურველია, შეურიოთ ცოტაოდენი ზეითუნის ზეთი (თუ მშრალი კანი გაქვთ) და მჭადის ფქვილი, რომ ჩამობანისას მსუბუქი პილინგიც გაიკეთოთ.