კითხვა: გაზაფხულობით მიჩნდება ჭორფლი, მაგრამ, თუ მაშინვე არ მივიღე ზომები, შემოდგომამდე მიმუქდება ხოლმე. გთხოვთ, მასწავლოთ რამე შინაური მეთოდი მათ გასაბაცებლად.

პასუხი: გთავაზობთ სამ რეცეპტს:

1) 1 ჩაის კოვზ ცაცხვის გამხმარ ყვავილებს დაასხით 1 ჩაის ჭიქა მდუღარე წყალი და თავდახურული დადგით 20 წუთის განმავლობაში. შემდეგ გადაწურეთ, ნაყენში შეურიეთ 1 ჩაის კოვზი თაფლი, ნახევარი ჩაის კოვზი ლიმონის წვენი და მასში დასველებული დოლბანდის ტამპონით გაიწმინდეთ პრობლემური ადგილები დღეში 3-ჯერ (გაწმენდის შემდეგ არ ჩამოიბანოთ).

2) 1 საშუალო ზომის კიტრი გახეხეთ წვრილ სახეხზე, შეურიეთ 1 ჩაის კოვზი ლიმონის წვენი და 2 ჩაის კოვზი არაჟანი (ან 1 სადილის კოვზი ხაჭო და 2 სადილის კოვზი კეფირი), წაისვით პრობლემურ ადგილებზე და წამოწექით. 20-25 წუთის შემდეგ ჩამოიბანეთ გრილი წყლით.

3) ერთმანეთს შეურიეთ 3 სადილის კოვზი წითელი მოცხარი და 3 სადილის კოვზი მარწყვის წვენი. თუ ცხიმიანი კანი გაქვთ, დაუმატეთ 1 ჩაის კოვზი კეფირი (ან მაწონი). წაისვით ეს ნაზავი ბამბის ტამპონით და 20 წუთის შემდეგ თბილი წყლის ჩამოიბანეთ.

ნიღაბი გაიკეთეთ ყოველ საღამოს, დაძინებამდე 1-2 საათით ადრე, ერთი თვის განმავლობაში.

კითხვა: რატომ არ არის რეკომენდებული დღის მაკიაჟის გაკეთების დროს მუქი რუჟის წასმა?

პასუხი: მუქი რუჟი ვიზუალურად აბერებს სახეს და ეს დღის სინათლეზე უფრო აშკარად ჩანს. გარდა ამისა, თითქმის ყავისფერი ან მუქი შინდისფერი ღაწვები არაბუნებრივად და ხშირად სასაცილოდაც კი გამოიყურება.

კითხვა: როგორ გავიზარდო ტუჩების მოცულობა სახლის პირობებში ისე, რომ ბუნებრივადაც გამოიყურებოდეს და ჯანმრთელობისთვისაც არ იყო საზიანო?

პასუხი: ტუჩებზე თხელ ფენად გადაისვით კარგი ხარისხის პუდრი და შემდეგ წაისვით პომადა. კონტური კი გაიკეთეთ თქვენი ტუჩის საცხის ფერის ფანქრით.