12 მაისი

1551 – დაარსდა ლიმის უნივერსიტეტი – პირველი უნივერსიტეტი ამერიკის კონტინენტზე.

1871 – ოტო ფონ ბისმარკი დაინიშნა გერმანიის კანცლერის თანამდებობაზე.

1926 – პოლონეთში დამყარდა მარშალ უზეფ პლისუდსკის დიქტატურა.

1940 – ფაშისტური გერმანიის ჯარები შეიჭრნენ საფრანგეთში.

13 მაისი

1637 – კარდინალ რიშელიეს ბრძანებით, მის სასახლეში არსებულ ყველა იმ დანას, რომელსაც ჭამისას იყენებდნენ, მოუმრგვალეს წაწვეტებული თავები – ასე შეიქმნა სუფრის დანა.

1733 – შვედმა მეცნიერმა ვასენიუსმა აღმოაჩინა მზის პროტუბერანცები – ამოფრქვევები.

1888 – ბრაზილიაში გაუქმდა მონობა.

1930 – ამერიკის შეერთებულ შტატებში, ტეხასში მოსულმა მსხვილმა სეტყვამ 10 ადამიანი შეიწირა.

1981 – თბილისის „დინამომ“ აიღო „თასების მფლობელთა თასი.“ 

14 მაისი

1643 – საფრანგეთის მეფე გახდა ლუი მეთოთხმეტე. მან 72 წელი იმეფა.

1796 – ედუარდ ჯენერიმ გამოიგონა ინფექციური დაავადების – „ყვავილის” საწინააღმდეგო აცრა.

1862 – შვეიცარიელმა მესაათემ ადოლფ ნიკოლმა შექმნა პირველი წამმზომი.

1931 – ბოლონიაში ბრბომ სასტიკად სცემა დირიჟორი არტურო ტოსკანინი და მისი ცოლი, მიზეზი იყო ის, რომ მუსიკოსმა უარი თქვა, ედირიჟორა ფაშისტური ჰიმნისთვის.

1948 – გამოცხადდა ისრაელის დამოუკიდებლობა.

15 მაისი

1730 – დიდ ბრიტანეთში შემოიღეს პრემიერ-მინისტრის ინსტიტუტი, პირველი პრემიერი გახდა რობერტ უოლჰოლი.

1770 – შედგა 14 წლის ავსტრიელი პრინცესას მარია ანტუანეტას და 15 წლის საფრანგეთის მომავალი მეფის – ლუდოვიკოს ქორწინება.

1871 – რომი გახდა გაერთიანებული იტალიის სამეფოს დედაქალაქი.

1905 – დაარსდა ქალაქი ლას-ვეგასი.

1928 – ეკრანებზე პირველად გამოჩნდა უოლტ დისნეის ანიმაციური გმირი – მიკი მაუსი.

16 მაისი

1920 – კათოლიკურმა ეკლესიამ ჟანა დარკი წმიდანად შერაცხა.

1928 – ზაირში (აფრიკა) მოინადირეს დღემდე ცნობილი ყველაზე დიდი გორილა (სიმაღლით 195 სანტიმეტრი).

1961 – მოხდა სამხედრო გადატრიალება სამხრეთ კორეაში.

1975 – იაპონელი იუნკო ტაბეი გახდა პირველი ქალი, რომელმაც დალაშქრა ჯომოლუნგმა.

17 მაისი

1814 – ნორვეგია ოფიციალურად გამოეყო დანიას და გახდა დამოუკიდებელი სახელმწიფო.

1846 – ბელგიელმა ადოლფ საქსმა დააპატენტა ახალი სასულე ინსტრუმენტი – საქსოფონი.

18 მაისი

1291 – ეგვიპტის მამლუქებმა აიღეს ჯვაროსანთა უკანასკნელი დასაყრდენი წმინდა მიწაზე – ციხესიმაგრე აკრა.

1642 – დაარსდა ქალაქი მონრეალი.

1721 – მარია კირილიო გახდა ინკვიზიციის უხუცესი მსხვერპლი – ის კოცონზე დაწვეს 96 წლის ასაკში.

1896 – პეტერბურგში გაიხსნა რუსეთში პირველი კინოთეატრი.

1923 – ფრანგმა არტურ ბარნაიმ მიიღო პატენტი ტელეფონზე ნომრის დისკოსებრი ასაკრეფით.