ინგლისელი კინომსახიობი ლენა ჰედი ცნობილია ბრუტალური როლებით მძაფრსიუჟეტიან ფილმებში, მათ შორის, 300 სპარტელზე გადაღებული ეპიკური ბლოკბასტერის „300” და ფილმის მეორე ნაწილით – „300: იმპერიის აღზევებაში” შესრულებული დედოფალი გორგოს როლით. მსახიობს საინტერესო ბიოგრაფია აქვს.

* ლენა ჰედი დაიბადა 1973 წლის 3 ოქტომბერს, ბერმუდის კუნძულებზე. მამა, ჯონ ჰედი, იორკშირის პოლიციის ოფიცერი, სამსახურიდან კუნძულებზე გაგზავნეს და, გარკვეული პერიოდის განმავლობაში ოჯახი ბერმუდებზე ცხოვრობდა, სადაც დაიბადა მომავალი მსახიობი. 

* ბავშვობაში ლენა არ ინტერესდებოდა კინოთი, არ დადიოდა დრამატულ წრეზე და მხოლოდ პარიკმახერის პროფესიაზე ოცნებობდა.

* 17 წლის ასაკში ლენა ჰედი ქუჩაში აგენტმა შეამჩნია და ქასტინგზე მოიწვია. ასე მოხვდა ლენა ჰედი ფილმის – „წყალთან” გადასაღებ მოედანზე. ეს იყო ლენას დებიუტი კინოში, რომელმაც აღიარება მოუტანა. ამას მოჰყვა როლები გახმაურებულ ფილმებში: „ჯუნგლების წიგნი;” ტარზანზე გადაღებული ბლოკბასტერი, „ძმები გრიმები”, „მოსამართლე დრედი”, „წითელი ბარონი” და სხვა.

* თავისუფალ დროს ლენა ჰედი კრივით არის დაკავებული. ის ვეგეტარიანელია და იოგათი არის გატაცებული.

* 1994 წელს ფილმ „ჯუნგლების წიგნის” გადასაღებ მოედანზე ლენა ჰედიმ მსახიობი ჯეისონ ფლემინგი გაიცნო, რომელსაც შემდეგ 9 წელი ხვდებოდა. ლენას ხელზე ტაილანდურ ენაზე ტატუირებაც კი აქვს გაკეთებული – მას „ჯეისონი” უწერია. გარდა ამისა, ლენას სხეულს ათამდე სხვადასხვა ფორმის ტატუ ამშვენებს.

* 2007 წელს ლენა ჰედი ცოლად გაჰყვა პიტერ პოლ ლოუგრენს. 2010 წელს წყვილს  ვაჟი – უაილ ელიოტი ეყოლა, ხოლო 2012 წელს ლენა და პიტერი ოფიციალურად განქორწინდნენ.

* სერიალ „სამეფო კარის თამაშების” გადაღებების დროს, პარტნიორი, ბრიტანელი მსახიობი შონ ბინი ლენას ბუტერბროდებს ჰპარავდა. 

* „ძმებ გრიმებში” გადაღებების დროს, როლიდან გამომდინარე, ლენა ჰედის ბოცვერისთვის ტყავის გაცლა და გაფატვრის სწავლა მოუწია.

* ლენა ჰედი, კინემატოგრაფის პარალელურად, ტელევიზიაშიც აქტიურად არის დაკავებული, მის სახელს ორი პოპულარული ტელესერიალი უაკვშირდება: „ტერმინატორი: სარა კონორის ქრონიკები”, სადაც ის სარა კონორს ანსახიერებდა და, ასევე, მეგაპოპულარული სერიალი – „სამეფო კარის თამაშები”, სადაც იგი უარყოფით პერსონაჟს, სერსეი ლანისტერს თამაშობს.

* მსახიობი დიდ დროს ატარებს გადაფრენებში: ლენას ორი სახლი აქვს – ლოს-ანჯელესსა და ლონდონში; გარდა ამისა, „სამეფო კარის თამაშების” გადაღებები ბელფასტში მიმდინარეობს და მსახიობს ხშირად უწევს თვითმფრინავით გადაადგილება.