* ბრუნელესკის პროექტით აგებული ტაძრის – ფლორენციის სანტა-მარია დელ ფიორეს სახურავი თავის დროზე იმდენად ინოვაციური იყო, რომ ქალაქის ხელისუფლებას დიდი ხნის განმავლობაში ეშინოდა ფრინველებს – ჩამოვარდნილ მტრედს ან ყვავს, მთელი კონსტრუქცია არ დაენგრიათ.

* პეტერბურგში სულ 312 ხიდია.

* ჰალსტუხ „პეპელას” ერთ-ერთ ნაირსახეობას „ღამურა” ჰქვია. სწორედ ის უკეთია მსახიობ ჯორჯ ქლუნს ფილმში, სადაც ის ბეტმენის როლს ასრულებს.

* შექსპირის „ოტელოს“ ლუკ პერსევალისეურ დადგმის, კულმინაციური სცენის დასაწყისში მთავარი გმირი, ოტელო, ცხვირში „ასრუტუნებს“, რათა უფრო დამაჯერებელი გახადოს მოთხოვნა, რომ მას ცხვირსახოცი სჭირდება.

* 1994 წელს, ღამით, ნორტრიჯის მიწისძვრის გამო, ლოს-ანჯელესში გარკვეული ხნით გაითიშა დენი და, შესაბამისად, ყველგან ჩაქრა შუქი. მცხოვრებლები, რომლებსაც რეკლამებით გაჩახჩახებული ქალაქიდან ვარსკვლავებიანი ცა არასდროს ენახათ, საშინლად შეაშინა „ცაზე ჩამოკიდებულმა მოციმციმე ობიექტებმა“.

* გრინვიჩის სამეფო ობსერვატორია არა მარტო ნულოვან მერიდიანზე მდებარეობს, მისი ტელეფონის ნომრებიც ნულებისგან შედგება – 000.

* კინოგაქირავების პრიზებით დაჯილდოების ისტორიაში ერთადერთი „ოსკარი“ საუკეთესო ტიტრების შექმნისთვის 1929 წელს გადაეცა ჯოზეფ ფარნემს, ფილმისთვის – „შთამბეჭდავი მსოფლიო“. წარწერები ფეხბურთის მოედნის ნახაზზე მოთამაშეთა კომბინაციით იყო განლაგებული. მას შემდეგ ასეთი ნომინაცია აღარ ყოფილა – ტიტრების შემქმნელები რიგით რედაქტორებად ჩათვალეს.

* „მაკინტოში“ არა მარტო კომპიუტერი და ტანსაცმელია, არამედ, ვაშლის ჯიშიც.

* 1992 წელს, სლავური კულტურისა და დამწერლობის დღესასწაულის ფარგლებში, მოსკოვში აღმართეს კირილესა და მეთოდეს ძეგლი, რომელზე გაკეთებულ წარწერაშიც ლინგვისტებმა 5 ორთოგრაფიული შეცდომა აღმოაჩინეს. მათ შორის: რუსული „ი“-ს ნაცვლად – i უნდა ყოფილიყო, „ო“-ს ნაცვლად კი – ომეგა.

* დალმატინელებს შუა საუკუნეებში „მჭედლებისა და მკითხავების ძაღლს,“ ან, „ბნელის დამმარცხებელ ძაღლს“ ეძახდნენ. 

* „ტანკა“ იაპონურად „პატარა არიას ნიშნავს”.

* გამოგონების თვალსაზრისით, ვესტინჰაუზი ცოტად თუ ჩამორჩება ედისონს, თუმცა, ის ძირითადად მუხრუჭის გამოგონებითაა ცნობილი.