ანეკდოტები
– გველმა შეაცდინა ევა და ადამი, თუმცა, მერე ძალიან ინანა...
– რატომ?
– როდესაც ევამ შეჭამა აკრძალული ხილი, მაშინვე დაინახა გველში ქამარი, საფულე, ჩანთა...
***
კვდება მოხუცი ებრაელი.
– ჩემი ცოლი აქ არის? – ამოიკვნესა.
– აქ, ვარ, საყვარელო.
– ჩემი შვილები, რძლები?
– კი, მამი...
– შვილიშვილები, შვილთაშვილები?
– ყველანი აქ ვართ, ბაბუ...
– აბა, სამზარეულოში შუქი რა ჯანდაბად ანთია?
***
სამარშრუტო ტაქსიმ, რომელიც შემთხვევით „ფორმულა 1-ის“ ტრასაზე გადავიდა, იქ მიმდინარე შეჯიბრებაში გაიმარჯვა, თანაც, გზად ორი მგზავრის აყვანაც მოასწრო.
***
ფსიქოლოგთან გასაუბრებაზე ოპტიმისტია:
– დავუშვათ, თქვენ ბაბუა მოგიკვდათ.
– არა უშავს, მეორე ბაბუაც მყავს, ბებიებიც...
– გასვენებაში გაგვიანდებათ.
– მანქანა და მისი ჯანი – სწრაფად ვივლი...
– თქვენ გეშინიათ სიჩქარის.
– არაყს გადავკრავ...
– გზაზე პატრული გადაგეყარათ...
– მოვილაპარაკებთ...
– ის ქალია...
– არაა პრობლემა, ერთი-ორი კომპლიმენტი, გავეცნობი და...
– ქალი ძალიან უშნოა...
– მე ხომ მთვრალი ვარ.
***
ორი მეგობარი შეხვდა ერთმანეთს. ერთი თვალჩალურჯებულია.
– რა მოგივიდა?
– აი, მივიღე, კაცთმოყვარეობის გამო... გუშინ გოგონა ამომყავდა წყლიდან, ამ დროს ცოლი მოვიდა და... შედეგსაც ხედავ.
– რა საშინელებაა! კი მაგრამ, ამ გაზაფხულზე სად იყავით, მდინარეზე თუ ზღვაზე?
– არა, ჩვენს აბაზანაში...
***
ცოლი ეუბნება ქმარს:
– ბიგვავებთან ვართ დაპატიჟებული, მიდი საროჩკა გაიუთოვე, თორემ, იტყვიან, ცოლი არაფერს უკეთებსო...
***
– რას აკეთებს ქართველი პირველ ყოვლისა, როდესაც შუქი ქრება?
– მიირბენს ფანჯარასთან, რომ დაინახოს, კიდევ ვის გამოურთეს დენი...
***
დადგება ზაფხული და დაიწყება სისხლისმღვრელი ბრძოლა: ვისაც სცხელა და ვისაც უბერავს.
***
– ნუ ტირი, გოგონი, ულამაზო ქალები არ არსებობენ, ყველას აქვს თავისი ხიბლი... აბა, შეიმშრალე ცრემლები, ო, ეგრე... შემომხედე და გაიღიმე... უჰ, შენი!..
***
ნუ ართულებთ... შავი კატა მხოლოდ იმიტომ გადაგიჭრით ხოლმე გზას, რომ უბრალოდ, სადღაც მიდის...
***
გუშინ სამსახურში სამართლიანობას ვეძებდით...
დღეს სამსახურს ვეძებთ...
***
– აუ, ხომ გითხარით, მუშაობის დროს ნუ ეწევით-მეთქი?!
– და, ვინ მუშაობს, რო?!
***
– მანქანა მინდა... ქალისთვის რომელი უკეთესია?
– სარეცხის...
***
– ყველა კაცი იდიოტია!
– კი, საყვარელო, აბსოლუტურად ყველა კაცი.
– შენც!
– მე ყველაზე დიდი იდიოტი ვარ...
– აბა, რატომ გამოგყევი ცოლად და ამდენი წელი შენთან ვარ?
– აი, უკვე მივედით სწორ დასკვნამდე – ხომ ხედავ – ყველა ქალი იდიოტია...