30 მარტს, ქალაქ დედოფლისწყაროში, კულტურისა და სპორტის ცენტრის სპორტულ დარბაზში, მსოფლიოს სამგზის რეკორდსმენმა გოჩა კეკიშვილმა მეოთხე მსოფლიო რეკორდი დაამყარა: ერთი საათის განმავლობაში მან ორივე ხელით 40-კილოგრამიანი გირი, არც მეტი, არც ნაკლები, 1 078-ჯერ ასწია. ეს ახალი რეკორდია ორი ხელით გირის აწევაში.  ღონისძიება ჩატარდა კავკასიის მსოფლიო რეკორდების ფედერაციის მიერ, რომლის გენერალური მდივანია შოთა ქელდიშვილი. ფედერაციის დახმარებით უკვე ძალიან ბევრი მსოფლიო რეკორდი დამყარდა და მსოფლიო რეკორდების საზოგადოებამ კარგად გაიცნო ქართველი ტალანტები.