ფლექსი-დიეტა იმითაა უნიკალური, რომ თვე-ნახევარში 7 კილოგრამით დაკლებასთან ერთად, შედეგად მიიღებთ 3,6 წლით სიცოცხლის გახანგრძლივების პერსპექტივას; ამასთან, მცირდება დიაბეტისა და გულ-სისხლძარღვთა დაავადებების რისკი. არც ისე ცოტაა, ხომ მართალია?!

ფლექსიტარიანელობის შესახებ ოდესღაც უკვე გესაუბრეთ, მაგრამ ახლა უფრო დაწვრილებით გაგაცნობთ მის ღირსებებს.

ტერმინი „ფლექსიტარიანელი“ და ამ მეთოდით კვება (რაც მოიცავს მცენარეულ და ნახევრად ვეგეტარიანულ რაციონს) შეიმუშავა ცნობილმა ექიმმა, დიეტოლოგმა ჯეკსონ ბლატნერმა, დაახლოებით ათი წლის წინ. თავად სიტყვა „ფლექსი“ ინგლისურიდან (flexible) თარგმანში ნიშნავს დრეკადს, დამყოლს. ასე რომ, სახელწოდებიდან გამომდინარე, დიეტის არსი გასაგებია.

გთავაზობთ ამ დიეტის მთავარ პრინციპებს:

1) განაახლეთ რაციონი

თუ თქვენი რაციონის მთავარი პროდუქტი ხორცია, ესე იგი, ორგანიზმს აკლებთ ანტიოქსიდანტების საჭირო რაოდენობას, რომელიც შედის ძირითადად ხილისა და ბოსტნეულის შემადგენლობაში. ბლატნერის აზრით, თქვენი ულუფა უნდა მოიცავდეს პროტეინების მაქსიმუმ 25 პროცენტს (რაც, შეგიძლიათ, ცეხვილი შავი პურით შეავსოთ), ბოსტნეული კი – 50 პროცენტს, ოღონდ, გაითვალისწინეთ, რომ, სასურველია, ერთი ულუფა შედგებოდეს რამდენიმე სხვადასხვა ბოსტნეულისგან. რაც შეეხება არავეგეტარიანულ პროდუქტს, შემწვარი თევზის ნაჭერი შეცვალეთ მოხარშულით, ხოლო საქონლის ხორციან რაგუში ბოსტნეულის ხარჯზე შეამცირეთ ხორცის რაოდენობა – განსხვავებას ვერც იგრძნობთ.

2) დაიწყეთ მცირედან

პირდაპირ ვეგეტარიანულ კვებაზე ვერ გადახვალთ, ამიტომ, დაიწყეთ მცირედან, ანუ, კვირაში ერთი ან ორი დღე გამოყავით ასეთი კვებისთვის. იმ ერთ ან ორ დღეს მაინც თუ არ მიირთმევთ ჰამბურგერს ან რაიმე მსგავს „ბომბს“, ესეც საქმეა. რაციონიდან ხორცის მთლიანად „გაქრობას“ კი ბლატნერი არავითარ შემთხვევაში არ ეთანხმება.

3) აუცილებელია ცილები

არ გეგონოთ, რომ მოხარშული ხორცით საკმარის ცილებს მიიღებთ. 120 გრამი ქათმის ფილე (მოხარშული) მხოლოდ 28 გრამ პროტეინს შეიცავს, ეს კი ნორმის ნახევარია. ამიტომ, ხორცს უნდა დაუმატოთ ლობიო, ნიგოზი, სოკო, ოღონდ, ცხიმი მინიმალური რაოდენობით უნდა გამოიყენოთ.

4) მიირთვით კრეატიულად!

არ მოერიდოთ ექსპერიმენტებს ახალ პროდუქტებსა და ახალ გემოებზე. ახალ და შედარებით უცხო პროდუქტებთან „ნაცნობობა“ სასარგებლოც იქნება და სასიამოვნოც.

5) ჩაანაცვლეთ ხორცი სალათებით

თუ „ხორცის დღე“ საკმაოდ მსუყე გამოვიდა, ძალიანაც ნუ ინერვიულებთ – შემდეგი ორი-სამი დღე სალათებსა და ორთქლზე ოდნავ მოთუთქულ ბოსტნეულს დაუთმეთ. ცხადია, ხილიც არ უნდა დაგავიწყდეთ.

7-დღიანი ფლექსი-მენიუ

ორშაბათი:

9 საათი – 40 გრამ „მიუსლის” დაასხით 1 ჩაის ჭიქა უცხიმო რძე + 1 პატარა ბანანი.

12 საათი – 100 გრამი მიწის (ან ჩვეულებრივი) თხილი.

14 საათი – უმი ხილისა და ბოსტნეულის სალათა (300 გრამი).

16 საათი – 1 ჩაის ჭიქა უცხიმო მაწონი ან იოგურტი.

18 საათი – ქათმის მოხარშული ფილე (150 გრამი) და რუხი ბრინჯი (მზა სახით – 200 გრამი).

სამშაბათი: 

9 საათი – 45 გრამი „მიუსლი” + 1 ჩაის ჭიქა უცხიმო რძე + 1 ცალი ვაშლი.

12 საათი – 1 ფინჯანი რძიანი ყავა (უშაქრო) + 1 ჩაის კოვზი ჯემი.

14 საათი – ბოსტნეულის პიტა.

16 საათი – 1 ცალი ბანანი + 1 სადილის კოვზი ნიგოზი.

18 საათი – 150 გრამი მოხარშული თევზი + 100 გრამი ისპანახი + 1 საშუალო ზომის კარტოფილი.

ოთხშაბათი:

9 საათი – ერთად დააბლენდერეთ 200 გრამი უციხმო მაწონი ან იოგურტი + 1 სადილის კოვზი არაქისის კარაქი + 1 ცალი ბანანი. 

12 საათი – 1 ცალი ვაშლი, 30 გრამი უმარილო ყველი.

14 საათი – მწვანე სალათის ფოთლები + ყველანაირი მწვანილი + 60 გრამი მოხარშული ლობიოს მარცვლები + 1 ცალი ვაშლი + 2 ჩაის კოვზი გახეხილი ყველი.

16 საათი – ცხელი შოკოლადი უცხიმო რძით (უშაქროდ ან ნახევარი ჩაის კოვზი თაფლით).

18 საათი – მუხუდოს სუპი მწვანილებით.

ხუთშაბათი:

9 საათი – 1 ჭიქა სიმინდის „ფანტელები“ + 170 გრამი უცხიმო მაწონი ან იოგურტი + 150 გრამი ნებისმიერი ხილი (ჩააჭერით).

12 საათი – 100 გრამი არაქისი, 4 მსხვილი ღერი ნიახური.

14 საათი – მწვანე სალათის ფოთლებით, ვაშლის ნაჭრებით, მოხარშული კვერცხითა და ცოტა მაიონეზით მომზადებული სენდვიჩი.

16 საათი – 100 გრამი თხილი.

18 საათი – მოშუშული ყვავილოვანი კომბოსტო + თითო ცალი კიტრისა და პომიდვრის სალათა.

პარასკევი:

9 საათი – 45 გრამი „მიუსლი“ + 1 ჭიქა უცხიმო რჩე + 1 ჩაის კოვზი დაფქული სელის თესლი + 1 ჩაის კოვზი თაფლი.

12 საათი – 1 ნაჭერი მაგარი ყველი + 2 ფირფიტა „ხლებცი“.

14 საათი – 100 გრამი მოხარშული ქათმის ფილე, 1 სადილის კოვზი ნაკლებმარილიანი საწებელი, 1 ცალი კიტრი, 1 ცალი ბოსტნეულის პიტა.

16 საათი – 1 სადილის კოვზი ქიშმიში.

18 საათი – 1 ცალი სტეიკი + 200 გრამი რუხი ბრინჯი.

შაბათი:

9 საათი – 1 ცალი მოხარშული კვერცხი, 1 ცალი სოსისი, 150 გრამი ისპანახი.

12 საათი – 1 ჭიქა უცხიმო მაწონი ან იოგურტი.

14 საათი – 150 გრამი მოხარშული თევზი, 30 გრამი უმარილო ყველი, 50 გრამი მწვანე სალათის ფოთლები მწვანილით.

16 საათი – 150 გრამი უმარილო ყველი, 1 ცალი ვაშლი, 1 ჩაის კოვზი თაფლი.

18 საათი – მოხარშული მაკარონი სოკოთი.

კვირა:

9 საათი – ერთად დააბლენდერეთ 200 გრამი უცხიმო მაწონი ან იოგურტი, 100 გრამი ნებისმიერი ხილი და 1 ჩაის კოვზი თაფლი.

 12 საათი – 1 სადილის კოვზი ქიშმიში.

14 საათი – ტრადიციული და ეგზოტიკური ხილისა და ბოსტნეულის სალათა + 1 ჩაის კოვზი ძმარი „ბალზამიკო“ + ჩაის კოვზი ზეითუნის ზეთი.

16 საათი – რძიანი ყავა (უშაქროდ) + 1 ჩაის კოვზი ჯემი.

18 საათი – მოხარშული კარტოფილი და ისპანახი.

წყალი, ჩვეულებისამებრ, დღეში 2 ლიტრამდე; ნატურალური (ახალგამოწურული) წვენები – დღეში 2-3 ჩაის ჭიქა.