* კოლუმბიაში აკრძალულია მოტოციკლზე ორის დაჯდომა, აგრეთვე ისეთი ჩაფხუტის გამოყენება, რომელიც სახეს ფარავს, რადგან ასე მაფიის მიერ დაქირავებული მკვლელები ინიღბებოდნენ. მძღოლებს კი საათები მარჯვენა ხელზე უკეთიათ, რომ ქურდებმა არ წაგლიჯონ.

* ქირურგ-კოსმეტოლოგების მიერ პლასტიკური ოპერაცია მაშინაა მაღალი კლასის, როცა კვალი არ რჩება. თუმცა, პლასტიკური ოპერაციების „გარიჟრაჟზე“ მდიდარ „დეიდებს“ თავი რომ მოეწონებინათ ამ სიახლით, ექიმებს სპეციალურად სთხოვდნენ, რომ ნაოპერაციები შესამჩნევი ყოფილიყო.

* არქიტექტორთა საერთაშორისო კავშირი სამ წელიწადში ერთხელ ოქროს მედლით აჯილდოებს ქალაქს, რომელიც საუკეთესოდაა შეთავსებული ადამიანის დასახლებისთვის უვარგის ბუნებრივ პირობებს. ასეთი მედალი პოსტსაბჭოთა ქვეყნებიდან ქალაქ შევჩენკოს მიაკუთვნეს.

* მეთვრამეტე საუკუნეში საქსონიის მეფის, ავგუსტის ბრძანებით, ფაიფურის დამზადების ტექნოლოგია მკაცრად იყო გასაიდუმლოებული. მათ დამამზადებლებს არკანისტებს უწოდებდნენ – ლათინური სიტყვიდან „არკანი“, რაც საიდუმლოს ნიშნავს.

* ერთ-ერთ ნაშრომში ლენინმა ხალხი სამ კატეგორიად დაჰყო: დამნაშავეებად, სასარგებლო იდიოტებად და კომუნისტებად.

*1990 წელს ლივერპულელმა ყასაბმა ფრენკ ჰორბნმა შექმნა პირველი საბავშვო კონსტრუქტორი  და მას „მეხანო“ უწოდა. გამომგონებელი მილიონერი გახდა და წიგნიც კი დაწერა: „ფრენკ ჰორბნი: ადამიანი, რომელმაც სათამაშოთი მილიონი გამოიმუშავა.”

* რუსი სამხედრო უწყება ალექსანდრ მეორის გადაწყვეტილების – ალასკის ამერიკისთვის მიყიდვის სასტიკი წინააღმდეგი იყო. თუმცა, არაფერი გამოუვიდა. ამიტომ, ამერიკელების „გაწვალება“ გადაწყვიტეს და მათთვის ალასკის არც ერთი რუკა არ გადაუციათ. ამერიკელები იძულებული გახდნენ,  ახალი რუკები შეედგინათ.

* მეოცე საუკუნის ბოლოს, ჰოლანდიასა და ინგლისში მოწევის წინააღმდეგ საბრძოლველად, სპეციალურად გამოუშვეს სიგარეტები, სახელწოდებით „სიკვდილი“. კოლოფზე გამოსახული იყო თავის ქალა გადაჯვარედინებული ძვლებით. აქციამ უკურეაქცია გამოიწვია – ახალგაზრდებში მწეველთა რიცხვი გაიზარდა.

* ამერიკელმა მეცნიერებმა შექმნეს ორი რობოტი მოქმედი ვულკანის კრატერში სამუშაოდ და სახელად  მათ „დანტე“ და „ვირგილიუსი“ უწოდეს.