17 მარტი

1959 – ტიბეტის ქალაქ ლხასში ჩინეთის ხელისუფლება მხეცურად გაუსწორდა მრავალათასიან მიტინგს, რასაც მოჰყვა აჯანყება მთელ ტიბეტში. დაიღუპა 65 ათასი ადამიანი.

1991 – ჩატარდა რეფერენდუმი საბჭოთა კავშირის, როგორც დამოუკიდებელი რესპუბლიკების ფედერაციის შენარჩუნების შესახებ, რასაც რეფერენდუმის მონაწილეთა 76 პროცენტმა დაუჭირა მხარი.

18 მარტი

1871 – წარმოიშვა პარიზის კომუნა. მოხდა პირველი პროლეტარული რევოლუცია.

1921 – დაიდო რიგის ზავი, რითაც პოლონეთს ერგო უკრაინისა და ბელორუსიის დასავლეთი მიწები.

1965 – ადამიანი პირველად გავიდა კოსმოსში. ალექსეი ლეონოვმა 10 წუთით დატოვა „ვოსხოდ 2-ის“ ბორტი, რასაც მილიონობით ადამიანი ტელევიზიით ადევნებდა თვალყურს.

19 მარტი

721 – პტოლემეუსის თანახმად, ბაბილონელებმა პირველად დაწერეს ქრონიკებში მზის დაბნელების შესახებ.

1831 – ამერიკაში მოხდა ბანკის პირველი ძარცვა.

1945 – იაპონიაში დაიხურა სკოლები და 6 წელზე უფროსი ასაკის ყველა ბავშვი გაიგზავნა სამხედრო სამუშაოებზე.

1953 – პირველად გაიმართა „ოსკარით“ დაჯილდოების ცერემონიალის ჩვენება ტელევიზიით.

1970 – შედგა დასავლეთ და აღმოსავლეთ გერმანიის ლიდერების პირველი შეხვედრა.

20 მარტი

1815 – კუნძულ ელბაზე გადასახლებიდან დაბრუნების შემდეგ ნაპოლეონი კვლავ გახდა საფრანგეთის იმპერატორი.

1854 – ამერიკის შეერთებულ შტატებში დაარსდა რესპუბლიკური პარტია.

1933 – ნაცისტურ გერმანიაში გაჩნდა პირველი საკონცენტრაციო ბანაკი – „დახჰაუ“.

21 მარტი

1684 – ფრანგმა ასტრონომმა ჯოვანი კასინიმ აღმოაჩინა სატურნის ორი თანამგზავრი – დიონა და ტეფია.

1924 – 24 წლის შვეიცარიელმა ფიზიკოსმა ვოლფგანგ პაულიმ გამოაქვეყნა  „აკრძალვის პრინციპი“, რაც გახდა მენდელეევის ქიმიურ ელემენტთა პერიოდული სისტემის თეორიული ახსნის საფუძველი.

1952 – განის პრემიერ-მინისტრი გახდა ნკვამე ნკრუმა – პირველი ზანგი, აფრიკული სახელმწიფოს სათავეში.

22 მარტი

1312 – რომის პაპის, კლიმენტი მეშვიდის ბრძანებით გაუქმდა ტამპლიერთა ორდენი.

1717 – ლონდონის სამეფო თეატრში შედგა პირველი პანტომიმური სპექტაკლის პრემიერა.

1882 – ამერიკის შეერთებულ შტატებში აიკრძალა მრავალცოლიანობა.

1888 – დაარსდა ინგლისის საფეხბურთო ლიგა.

1907 – ლონდონის ქუჩებში გამოჩნდა პირველი ტაქსი დროის მრიცხველებით.

1935 – სპარსეთს ოფიციალურად ეწოდა ირანი.

23 მარტი

1839 – ამერიკის შეერთებული შტატების ქალაქ ბოსტონის გაზეთ Morning Post-ში პირველად გამოჩნდა ცნობილი აბრევიატურა O.K.

1841 – ლონდონში რიჩარდ ბიერდმა გახსნა მსოფლიოში პირველი ფოტოატელიე.

1919 – მილანში ბენიტო მუსოლინიმ დააარსა მსოფლიოში პირველი ფაშისტური ორგანიზაცია.

1966 – პირველად 400 წლის შემდეგ რომში შედგა რომის პაპისა და კენტერბერის არქიეპისკოპოსის შეხვედრა.