* „NBA-ს დიდების დარბაზში“ შესულ კალათბურთელთაგან ყველაზე დაბალი კელვინ მერფია – მისი სიმაღლე მხოლოდ 1 მეტრი და 75 სანტიმეტრია.

* შექსპირის მშობლიური ქალაქია სტრატფორდი ეივონზე.

* მეორე მსოფლიო ომის დროს ჰოლანდიური პორტი სვენინგემი იქცა მეტად მნიშვნელოვან სტრატეგიულ ობიექტად – აქ ძალიან მარტივად იჭერდნენ გერმანელ მზვერავებს, რადგან, მათ ერთხელ მაინც წამოსცდებოდათ ხოლმე პორტის სახელი გერმანული გამოთქმით – შვენინგემ.

* ძველი რომაელები სადილობას აუცილებლად კვერცხით იწყებდნენ.

* ძველი ირლანდიელები მიცვალებულებს ვერტიკალურ მდგომარეობაში მარხავდნენ – ეს მათი ტრადიცია გახლდათ და სულაც არ იყო გამოწვეული ადგილის ეკონომიით.

* ჩინელებს უკვე მეცამეტე საუკუნიდან შეეძლოთ კვადრატული და კუბური ფესვის ამოღება რიცხვიდან სპეციალური დაფისა და ჩხირების დახმარებით.

* ძველბერძნული ქალღმერთის – ათენას სიმბოლო იყო ბუ. კათოლიკური წმიდანის – მარტინის სიმბოლო კი... ბატია. 

* სახელის – ევგენის ესპანური ანალოგია ეუხენიოა, ფრანგული – ეჟენი.

* ბელგიელმა მეცნიერებმა გამოთვალეს, რომ ადამიანი თავისი სიცოცხლის განმავლობაში 200 დღეს ატარებს... უნიტაზზე დამჯდარი.

* უცნობია ეგვიპტის ფარაონი, რომლის პირველ მინისტრს ციფნაფ-პანაახი ერქვა, თუმცა, მისი ნამდვილი სახელი იოსები იყო.

* ეკატერინე მეორის ტახტზე ასვლისთანავე რუსეთში ქალაქთმშენებლობის ბუმი დაიწყო. მისი მეფობის დასასრულს ქვეყანაში უკვე 610 ქალაქი იყო. 5 წლის შემდეგ კი, 1801 წელს, მხოლოდ 230 დარჩა – პავლე პირველის რეფორმით, ქალაქების მოსახლეობის უმრავლესობა ისევ სოფლებში გაასახლეს.

* ნიაგარის ჩანჩქერის სანახავად მისულ ტურისტებს აუცილებლად ურიგებენ ლამაზ, ყვითელ, წყალგაუმტარ ლაბადებს, რომ წყალვარდნილიდან წამოსულმა შხეფებმა არ დაასველოს.

* 1920 წლის 16 იანვარს, როდესაც ამერიკის შეერთებულ შტატებში მშრალი კანონი შემოიღეს, ერთ-ერთ ამერიკულ ქალაქში გაიმართა სამგლოვიარო ცერემონიალი, სადაც სიმბოლურად დამარხეს „ჯონ ქერის მარცვალი“. ამ ფოლკლორული პერსონაჟის სახელი ბევრ ინგლისურენოვან ქვეყანაში სალანძღავ მიმართვად იქცა. 

* ჭოკით მხტომელი სერგეი ბუბკო მსოფლიო დონის წარმატებისთვის უკრაინელებმა არა მარტო თავად იაროსლავ ბრძენის ორდენით დააჯილდოეს, არამედ, სიცოცხლეშივე აუგეს ქანდაკება, რომლის ზომა მისი რეკორდის ტოლია – 6 მეტრი და 15 სანტიმეტრი.