სალვადორ დალი – თავის ნახატების უკანა მხარეს სვამდა ბეჭედს ასეთი წარწერით: „ეროტიკა საზიზღრობაა, ხელოვნება ღვთიურობა, სიკვდილი მშვენიერება.”

ირაკლი ანდრონიკაშვილი – წიგნებზე სვამდა ბეჭედს, რომელზეც იყო მისი ცხოვრების დევიზი: „ბედნიერება იმ უბედურებათა ჯამია, რომლითაც ჩვენ გვერდი აგვიქციეს.”

ბალზაკი – თავის სამუშაო ოთახში ედგა ნაპოლეონის ბიუსტი, რომელზეც ამოეკვეთა თავისი საოცნებო მიზანი: „კალმით უნდა დავიპყრო მსოფლიო და არ დავამთავრო სიცოცხლე წმინდა ელენეს კუნძულზე.”

ნეტარი ავგუსტინე – ხელნაწერი ლოცვანის წიგნის თავფურცელზე გაუკეთებია წარწერა: „რასაც ველოდებით ჩაივლის იმის გავლით, რასაც ვჭვრეტდით და მიდის იქ, რასაც ვიხსენებთ.”

ამერიკაში თავისუფლების ქანდაკებას ასეთი წარწერა ამშვენებს: „მომეცით მე თქვენი დამარცხებულნი, თქვენი ღატაკნი, თქვენი უსახლკარონი, თავისუფლებას მოწყურებულნი.”

სოლომონი ატარებდა ბეჭედს, რომელზეც ეწერა შემდეგი სიტყვები: „ყველაფერი გაივლის.” ერთ-ერთი აღელვების ჟამს ნერვებმა უმტყუნა, ბეჭედი მოიძრო და მოისროლა. ბეჭედმა იგორა და ისევ მასთან მივიდა, რომელზეც შეამჩნია სხვა წარწერა შიდა მხრიდან, ბეჭედი აიღო და წაიკითხა შემდეგი სიტყვები: „ესეც გაივლის.”