– აუ‚ მაგარი სიზმარი მესიზმრა: ოთხ მტვირთავს ჩემი ხელფასი მოჰქონდა...

– ახდენას ტყუილად ნუ ელოდები‚ კუპონების დრო დაგსიზმრებია...

***

გამოიგონეს ახალი საათი – რამდენ გინებასაც „გაიგონებს“‚ 1 დანაყოფით წინ მიდის. დააყენეს რესტორნებში. 24 საათის შემდეგ მივიდნენ იმერულ რესტორანში შესამოწმებლად. ხედავენ, საათი 5 წუთით წინაა; ქართლის რესტორანში – 20 წუთით წინ. კახეთის რესტორანში საერთოდ აღარ დახვდათ. – სად წაიღეთ საათი? – იკითხეს. – ეგა საათი იყო? ჩვენ კიდენა, ვიფიქრეთ‚ ზამთარში ვინტილატორი რა ჩემ...  გვინდაო და მოვხსენით...

***

დაიხსომეთ‚ თუ თქვენი ცოლი დაქალთან საუბრისას ამბობს: „გოგო‚ ჩემიც ეგრე“... – ალბათობა იმისა‚ რომ გაქებენ, ნულის ტოლია.

***

სვანმა პატრულმა ქალი გააჩერა – მართვის მოწმობა მაჩვენეთო.

– ეგ რა არის?

– აი‚ რაზეც თქვენი სახეა გამოსახული.

ქალმა კარგა ხანს იჩხრიკა ჩანთაში და ბოლოს ამოიღო სარკე‚ ჩაიხედა და პატრულს მიაწოდა. პატრულმა დახედა სარკეს:

– მაშინვე გეთქვა‚ პატრული რომ იყავი!

***

ორგანიზაციამ დირექტორის თანაშემწის ვაკანსია გამოაცხადა. მოთხოვნა – საქმიანი დოკუმენტაციის წარმოება‚ კომპიუტერისა და უცხო ენების ცოდნა. 

დაიწყო ქასთინგი. დირექტორთან შედის ძაღლი... ორ ფეხზე‚ ბეწვი უბრწყინავს‚ მიესალმა იქ მსხდომებს‚ დაჯდომის უფლება ითხოვა და სავარძელში მოკრძალებულად ჩაჯდა. 

ყველა გაოცებული უყურებს.

– აბა, გვაჩვენეთ‚ რა შეგიძლიათ‚ – მიმართა დირექტორმა.

ძაღლი კომპიუტერს მიუჯდა‚ ხუთ წუთში შეადგინა შეთავაზებულ თემაზე დოკუმენტი – მოკლედ ჩამოყალიბებული‚ გასაგები აზრით‚ სტილისტურად გამართული და გრამატიკულად უშეცდომო‚ გაგზავნა მითითებულ მისამართზე‚ შემდეგ მცირე პროგრამაც შექმნა. ყველა შოკშია. 

– რომელი უცხო ენა იცით?

– მიაუ...

***

ზარმაცები ყველაფერს აკეთებენ სწრაფად‚ რომ სამუშაო დროზე დაამთავრონ და ხარისხიანად‚ რომ მეორედ არ მოუწიოთ გაკეთება...

***

კითხვაზე: „რას აკეთებ?“ მარტო ჩვენს ქვეყანაში შეიძლება მოისმინო პასუხი: „არაფერს‚ ვმუშაობ“.

***

როცა დალევ‚ აუცილებლად გაგახსენდება‚ რამდენი ადამიანი ელოდება შენს  ზარს სწორედ ახლა... ღამის ორის ნახევარზე...

***

„ხვალიდან ადრე დავიძინებ‚” – ეს იგივეა‚ რაც „ხვალიდან სიგარეტს ვაგდებ‚” ან – „ხვალიდან დიეტაზე გადავდივარ...”