* კომპანია „შაილს ვილსმა“, რომელიც საქონელს ქალი მძღოლებისთვის აწარმოებს, შეიმუშავა „დასაკეცი“ ფეხსაცმელები – მაღალი ქუსლი, საჭიროების შემთხვევაში, შეგიძლიათ, „შეკეცოთ“.

* სამოციან წლებში, აკრობატი ჰორსტ კლაინი აძვრა ელექტროგადამცემ ბოძზე, გამორთო მაღალი ძაბვა, მავთულზე 30 მეტრი გაიარა და აღმოჩნდა დასავლეთ ბარლინში – მან ამ ხერხით გადალახა ბერლინის კედელი.

* თანამედროვე ინგლისურ ენაში გამოიყენება პროდუქციის სახელის დაწერის ორი ვარიანტი, იმის მიხედვით, თუ სად იწარმოება ის: შოტლანდიურ, კანადურ და იაპონურ ვისკის აქვს წარწერა – whisky, ხოლო ირლანდიურსა და ამერიკულს, სიტყვა – whiskey.

* მეცხრამეტე საუკუნეში ლიბერია არ იყო შავკანიანი მონების მიერ დაარსებული ერთადერთი დამოუკიდებელი ქვეყანა აფრიკაში; მეორე იყო, მერილენდის რესპუბლიკა, რომლის დროშა – 7 შავი და 6 ყვითელი ზოლით, მოგაგონებთ როგორც ამერიკის შეერთებული შტატების, ასევე, მეზობელი ლიბერიის დროშას. სწორედ მის შემადგენლობაში შევიდა მერილენდი 1857 წელს. 

* მომწამვლელი ნივთიერება ლუიზიტი ადვილად ორთქლდება ბრძოლის ველიდან და სწორედ ამიტომ უწოდეს მას სიკვდილის ნამი (ცვარი). 

* ფრანგმა შარლოტა ლემანმა, რომელიც მეცხრამეტე საუკუნეში ცხოვრობდა და პუშკინის შემოქმედების დიდი თაყვანისმცემელი იყო, სიცოცხლე ფსიქიატრიულ საავადმყოფოში დაასრულა – მას საკუთარი მამის სიძულვილი აეკვიატა. სხვათა შორის, მის მამას ჟორჟ დანტესი ერქვა.

* პარიზის ერთ-ერთი ციხის ახლად დანიშნულმა უფროსმა თხოვნით მიმართა ქალაქის მერიას, ფასადიდან ჩამოეხსნათ წარწერა: „თავისუფლება, თანასწორობა, ძმობა“, იმ მოტივით, რომ მოწოდება დაცინვის ელემენტებს შეიცავდა.

* „გინესის რეკორდების წიგნის“ თანახმად, რეკორდსმენი, ინგლისელი როი ლომას ყველაზე მაღალი სიხშირის ხმას გამოცემს (122,5 დეციბალი). „ბულბულ-ყაჩაღის” სტვენის ბგერათა სიხშირე კი 192 დეციბალამდე აღწევს და ადამიანისთვის სასიკვდილოა.

* კარავაჯოს ნახატი „იოანე ნათლისმცემლის თავის კვეთა“ 5 მეტრი სიგრძისაა და ლა-ვალეტეს ტაძრის მთელი კედელი უკავია. მხატვარს უნდოდა, მნახველს გამოსახულება ისე აღექვა, თითქოს მოქმედება მის თვალწინ ხდებოდა. ამიტომაც, ხელოვნებათმცოდნეები მას კინოეკრანს ადარებენ.