კითხვა: როგორ გადავეჩვიოთ სხვის განკითხვას?

პასუხი: თუ ვინმეს განიკითხავთ, ასეთი წესი დაიდგინეთ: იმ დღეს სამი მეტანია მაინც შეასრულეთ მისთვის, ვინც განიკითხეთ შემდეგი ლოცვით: „შეიწყალე, უფალო, მონა ღვთისა (სახელი) და მისი წმინდა ლოცვით შემიწყალე მე – ცოდვილი“. ამის შემდეგ უფალი დაგეხმარებათ, რათა განეშოროთ განკითხვის ცოდვას.

კითხვა: როდესაც აღსარებას ვამბობთ, მხოლოდ ჩადენილი ცოდვები უნდა მოვინანიოთ?

პასუხი: სინანული იმ შემთხვევაში გმართებთ, თუ მაგალითად, ესა თუ ის კეთილი საქმე არ მოიმოქმედეთ, ან ამა თუ იმ კეთილი საქმის გაკეთება ვერ შეძლეს სხვებმა თქვენი მიზეზით.

კითხვა: რადგან ჩემს ოჯახს მატერიალურად უჭირს, გადაწყვიტე ჩემი მცირე დანაზოგი პროცენტით გავასესხო. ცოდვად ხომ არ ჩამეთვლება ეს საქციელი?

პასუხი: მართლმადიდებლური ეკლესიის სწავლების თანახმად, ფრიად კეთილი საქმეა ფულის სესხება იმ ადამიანისთვის, ვისაც ეს ძალიან სჭირდება, მაგრამ მევახშეობა – ანუ სესხით საკუთარი თავისთვის სარგებლის მიღება ცოდვად ითვლება.

კითხვა: ხშირად მინახავს, რომ ხატების კუთხეში ადამიანები თავიანთი გარდაცვლილი ახლობლების სურათებს ათავსებენ. რამდენად სწორია ასეთი საქციელი?

პასუხი: ხატებს ცალკე გამოყოფილი კუთხე უნდა ჰქონდეთ ოთახის აღმოსავლეთ მხარეს და სასურველი არ არის ამ კუთხეში არც ცოცხალი და არც გარდაცვლილი ახლობლების სურათების მოთავსება.