ვაშლის ხვეულა
საჭირო ინგრედიენტები: 500 გრამი საფუარიანი ფენოვანი ცომი, 7 ცალი მჟავე, მაგარი ვაშლი, 1 ჭიქა შაქარი, 2 ჭიქა წყალი, შაქრის პუდრი – გასაფორმებლად.
მომზადების წესი: ვაშლები ოთხად გაყავით, ამოაცალეთ გული და ძალიან თხლად დაჭერით. წყლითა და შაქრით თხელი სიროფი მოხარშეთ და ვაშლის ნაჭრები შიგ ჩაყარეთ. თუ სიროფი საკმარისი არ იქნება, ამავე პროპორციით კიდევ დაამზადეთ და დაუმატეთ ვაშლს. სიროფში ვაშლი ხარშეთ დაახლოებით 2-3 წუთის განმავლობაში (ვაშლი უნდა დარბილდეს, მაგრამ, არ ჩაიშალოს) და მოხარშული ვაშლი დასაწრეტად საწურზე გადაიტანეთ.
ცომი დაჭერით და დაახლოვებით 30 სანტიმეტრი სიგრძისა და 4 სანტიმეტრი სიგანის თხელ ფირფიტებად გააბრტყელეთ, თითოეულზე მოათავსეთ მოხარშული ვაშლის ნაჭრები და რულეტივით გადაახვიეთ. რულეტები გადაიტანეთ ცხიმწასმულ თუნუქის ტაფაზე და აცხვეთ 200 გრადუსამდე გახურებულ ღუმელში 20-25 წუთის განმავლობაში. ბოლოს, ვაშლის ხვეულებს მოაყარეთ შაქრის პუდრი.