ლარი პეიჯი: ამბობენ – ფულით ბედნიერებას ვერ იყიდიო, მაგრამ სადღაც, გულის სიღრმეში ყოველთვის ვფიქრობდი: უზარმაზარ ფულს შეუძლია ბედნიერების მოტანა. რეალურად ეს ასე არ არის – მე ვცდებოდი.

საადი: კუჭის ხელისუფლება რომ არა, არც ერთი ფრინველი არ გაიბმებოდა მონადირის მახეში და თვითონვე მონადირეც არ დადგამდა მახეს.

ლაო ძი: რაიმე რომ შევკუმშოთ, ჯერ უნდა გავაფართოვოთ; რაიმე რომ დავასუსტოთ, ჯერ უნდა გავაძლიეროთ; რაიმე რომ მოვსპოთ, ჯერ უნდა აღმოვაცენოთ; რაიმე რომ მოვიმკათ, ჯერ უნდა გავცეთ.

ბოკაჩო: ამბობენ, კარგია სიკვდილი, როცა იხსნი სხვის სიცოცხლეს.

ჩესტერფილდი: მიეჩვიე, დაეშვა იმათ დონემდე, ვის გარემოცვაშიც იმყოფები.

ლაროშფუკო: პატიოსანი ხალხი ჩვენი ღირსებისთვის გვცემს პატივს, ბრბო კი – ბედის წყალობისთვის.

კამიუ: მე არ მიყვარს სხვისი საიდუმლოებები, მაგრამ მაინტერესებს სხვისი აღიარებები.

ჯეფერსონი: ჩემი სამშობლო იქ არის, სადაც თავისუფლებაა.

სტენდალი: საუბრის წაყვანა ნიჭია.

კანტი: მიეცით ადამიანს ყველაფერი, რასაც ისურვებს და იმ წუთში ის იგრძნობს, რომ ეს ყველაფერი არ არის.

დალი: ნუ გეშინიათ სრულყოფილების, მას მაინც ვერ მიაღწევთ. მით უმეტეს, სრულყოფილებაში არაფერი კარგი არ არის.

გოეთე: საკუთარი არასრულფასოვნების შეგნება სრულყოფილებას გვაახლოებს.

ჰორაციუსი: ძუნწი უჭკუოსთან უფრო ახლოსაა.

ჰებლიტი: გენიასა და ხელოვნებას ღუპავენ წესები და ნიმუშები.

ჩენინგი: არაფერი ისე არ ეხმარება ჭეშმარიტებას გამარჯვებაში, როგორც მისთვის წინააღმდეგობის გაწევა.

ტოლსტოი: ადამიანებთან ცხოვრების დროს ნუ დაივიწყებ, რა შეიცანი მარტოობისას და მარტოობისას იფიქრე იმაზე, თუ რა ისწავლე ადამიანებთან ურთიერთობისას.

შოპენჰაუერი: ჯანმრთელობა ისე გადაწონის ხოლმე სხვა ცხოვრებისეულ სიკეთეებს, რომ ჭეშმარიტად ჯანმრთელი მდაბიო უფრო ბედნიერია, ვიდრე ავადმყოფი მეფე.

რენანი: ხასიათები უფრო აახლოებს ადამიანებს, ვიდრე ჭკუა.

სმიტი: თითოეული ადამიანის ხასიათი, იმის მიხედვით, სიკეთის მოტანა შეუძლია თუ მავნებლობა, გავლენას ახდენს სხვა ადამიანების ბედზე.

ჟან პოლი: ისე კარგად არასოდეს იხსნება ადამიანის ხასიათი, როცა ის ცდილობს მეორე ადამიანის თვისებებსა და ხასიათების აღწერას.

კატონი: ცოლთან ცხოვრება ძალიან ძნელია, უცოლოდ კი შეუძლებელი.

კლეობული: სხვების თანდასწრებით ცოლს ნურც ეფერები და ნურც ეჩხუბები. პირველი შენი სისუსტის ნიშანია, მეორე – ცუდი ხასიათის.