* 1980-იან წლებში დან შეხტმანი სამეცნიერო ინსტიტუტიდან გაუშვეს კრისტალოგრაფიის საფუძვლების არცოდნის გამო. მოგვიანებით კი მან ნამდვილი გადატრიალება მოახდინა მეცნიერებაში სწორედ კრისტალის შესწავლით, რისთვისაც  2011 წელს ნობელის პრემია მიიღო ქიმიაში.

* პაბლო პიკასოსთვის ციფრი 7 გადაბრუნებული ცხვირი იყო.

* კომპანია „ფლეიტექსს“, რომელიც მამაკაცის თეთრეულს აწარმოებს და რომელმაც მთვარის პროგრამაში მონაწილე ამერიკელი კოსმონავტებისთვის სკაფანდრი შექმნა, „აპოლონის ჩამცმელი“ უწოდეს – აპოლონი ანტიკური ხანიდან შიშველი გამოისახებოდა.

* ცნობილმა ინგლისელმა მსახიობმა ლოურენს ოლივიემ ლორდის ტიტული 1970 წელს მიიღო.

* ანატოლი ჩეხოვი 1897 წლის თებერვალში დაწერილ ერთ-ერთ წერილში წერდა, რომ ძალიან მობეზრდა ეს საქმიანობა, „წერა თითების დაღლამდე“, ანგარიში და ლექციების კითხვა ოცდაათი თანაშემწისთვის… ეს, რა თქმა უნდა, არ ეხებოდა არც მწერლობას და არც მის საექიმო პრაქტიკას – ჩეხოვი მოსახლეობის აღწერაში იღებდა მონაწილეობას.

* მენდელეევის პერიოდულ სისტემას თუ დავაკვირდებით და გავითვალისწინებთ გვარების ეტიმოლოგიას, სპილენძის სახელი ორ ელემენტს ჰქვია: ერთი – თავად სპილენძი, მეორე კი – კოპერნიკიუმი, რადგან, კუპრუმ – ლათინურად და კუფერ – გერმანულად, ორივე სპილენძს ნიშნავს.

* ულექსიტი იშვიათი მინერალია, რომელიც უნიკალური თვისებით გამოირჩევა – მისი ბოჭკოები ბუნებრივი სინათლისგამტარია. თუ პოლირებულ ქვას რამე ტექსტზე დავდებთ, ასოების გამოსახულება ამ ბოჭკოებით ქვის ზედა მხარეს გადაეცემა. მას ინგლისელები TV-ს ეძახიან – ტელევიზორ-ქვას.

* ალბერტ აინშტაინის ტვინი 1955 წელს ტომას ჰარვიმ სახლში წამოიღო და დიდი ხნის განმავლობაში ინახავდა. მისი შედარებითი ანალიზი კი მხოლოდ 1980 წელს გააკეთა პროფესორმა მარიან დაიმონდმა.

* ცნობილი ფრაზა – „წილი ნაყარია“ – რუბიკონის გადალახვის დროს, ჩვენს წელთაღრიცხვამდე 49 წელს, იულიუს კეისარმა წარმოთქვა.

* ფრანგულმა დიზაინსტუდია „ატიპიკმა“ გამოსცა სათამაშო ბანქო – „რევოლუცია“. სათამაშო ბარათებში მეფეები, „დამები“ და „ვალეტები“ უთავოდ არიან გამოსახულნი.

* ყოფილი ლენინის მუზეუმის სათავსოში ინახება თაგვებისგან დაზიანებული სტალინის ბიუსტი, ხოლო რევოლუციის მუზეუმში ანალოგიური ექსპონატები წყლის მილის დაზიანების გამო მთლიანად განადგურდა – ბიუსტები შაქრისგან იყო დამზადებული.

* ევროპული ეკოლოგიური ორგანიზაციები ყოველ წელს აღნიშნავენ „ღამურების დაცვის დღეს“… თუმცა, ღონისძიებები ღამით იმართება.

* შიზოფრენია, როგორც დაავადება, ოიჰენ ბლეილერმა 1908 წელს აღწერა.

* ამერიკელები ჩვენზე არანაკლებ პატრიოტები ყოფილან: თავიანთი მშობლიური შტატის სიყვარულით, მშობლებმა ტყუპ გოგონებს ოკლა და ჰომა დაარქვეს; ასევე მოიქცა მინესოტაში მცხოვრები ცოლ-ქმარი – მათ გოგონებს მინე და სოტა ჰქვიათ.