რუზველტი: საარჩევნო ხმა შაშხანასავითაა, მისი სარგებლიანობა განისაზღვრება მოსარგებლის ხასიათით.

მანკენი: რაც უფრო ასაკში შევდივარ, მით ნაკლებად ვენდობი ფრაზას, რომელიც ამტკიცებს, რომ სიბრძნე ასაკთან ერთად მოდის.

ჩეხოვი: თუ რომელიმე ავადმყოფობის საწინააღმდეგოდ ბევრ წამალს იძლევიან, ეს იმას ნიშნავს, რომ ავადმყოფობა განუკურნავია.

ლეონარდი: თუ ადამიანი თვითონაა ცუდი, ყველა ცუდი ეჩვენება.

პასკალი: თუ საზარელია იმის სიბრმავე, ვინც არ ცდილობს, შეიცნოს საკუთარი თავი, რამდენად უფრო საზარელია იმისი სიბრმავე, ვისაც სწამს ღმერთი და მაინც სიავესა და სიბილწეში ცხოვრობს.

ბონაპარტი: სამხედრო ძალა არაა საკმარისი სახელმწიფოს დასაცავად. ხალხის მიერ დაცული ქვეყანა დაუმარცხებელია.

ვებერი: ადამიანებად ჩვენ გვხდის დედ-მამა, ადამიანურად კი – აღზრდა.

***

ძალიან ძლიერი მგრძნობიარობა ჭეშმარიტი უბედურებაა.

ცვაიგი: ყოველთვის, სანამ ახალი აღზევდებოდეს, ძველის ავტორიტეტი მუხლებზე უნდა დაეცეს.

ციცერონი: ძლიერი, მოკლედ გამოთქმული აზრები დიდად უწყობს ხელს ცხოვრების გაუმჯობესებას.

ნოვალისი: ადამიანად ჩამოყალიბება ხელოვნებაა.

დიოგენე: ვეძებ ადამიანს.

ლაროშფუკო: ზოგი ადამიანი მთელი მისი ღირსებების მიუხედავად, თვალის დასანახავად გვეჯავრება, ზოგი კი გვიზიდავს ნაკლის მიუხედავად.

ტოლსტოი: უპირველესად, გონების უნდა ვიწამოთ.

ფეიხტერსლებენი: საკითხი ის კი არ არის – საჭიროა თეორია თუ გამოცდილება, არამედ ის, რომ ორივე შემთხვევაში საჭიროა სიფრთხილე.

პუბლიუსი: უკეთური ყოველთვის კეთილზე სწრაფია.

შექსპირი: ბოროტებაში სიჯიუტე კი არ ამცირებს ბოროტებას, არამედ ზრდის მას.

ბერნე: ტანჯვა სიბრძნის მამაა, სიყვარული – დედა.

ფრომი: გონება ადამიანის ბედნიერი საჩუქარია და მისი წყევლაცაა.

ლუკრეციუსი: თუ ჩვენი გრძნობები ჭეშმარიტი არ იქნება, მაშინ ჩვენი გონებაც ცრუ გამოჩნდება.

ფრიში: ვისაც გაგონება არ უნდა, უნდა იგრძნოს.

ოქსენშერნა: გულახდილობას თავისი საზღვრები აქვს, მის იქით, ის უკვე წინდაუხედაობაა.

კანტი: მრისხანების შედეგად გამოწვეული დასჯა არ აღწევს მიზანს. ბავშვები საკუთარ თავს მრისხანების მსხვერპლად მიიჩნევენ.

ვოვენარგი: ქალის მოკრძალება სამკაულის მიმართ, სიყვარულის ერთ-ერთი წყაროა.

ემე: მცდარია აზრი, თითქოს ქალები იმიტომ იპრანჭებიან, რომ მამაკაცს მოაწონონ თავი, ისინი ამას სხვა ქალების გასაღიზიანებლად აკეთებენ.