ახალი სასწავლო წლის დაწყება ბავშვებს “ნესქვიკმა„ მიულოცა 

ახალი სასწავლო წლის დაწყება ყველა ბავშვისთვის მნიშვნელოვანი დღეა, განსაკუთრებით მათთვის, ვინც სკოლაში პირველად მიდის. „ნესქვიკმა“ ეს დღე ბავშვებს ნამდვილ დღესასწაულად უქცია: 14 სექტემბერს „თბილისი მოლში“ საბავშვო-გასართობი შოუ მოეწყო. ღონისძიება ყველასათვის საყვარელმა საბავშვო ტელეწამყვანმა – ბაბილინამ გახსნა, რომელმაც ბავშვებს სასწავლო წლის დაწყება მიულოცა და ათიანებზე სწავლა უსურვა. ამის შემდეგ სცენა ილუზიონისტმა დაიკავა. ბავშვების გაოცება ჯამბაზებმა განაგრძეს და უამრავი სასაცილო და საინტერესო ნომრის შემდეგ გაწვრთნილი ძაღლების გასაოცარი შოუც დადგეს. „ნესქვიკმა“ ვიქტორინაც გაათამაშა და საჩუქრები იმ ბავშვებს გადაეცათ, რომლებმაც იცოდნენ, რომ „ნესქვიკი“ რძესთან ერთად უნდა დალიონ, რადგან, ის შეიცავს კალციუმს, რკინას და იმ ვიტამინებს, რომლებიც სასარგებლოა ზრდისა და განვითარებისთვის. მართალია, ვიქტორინასა და კონკურსებს მხოლოდ რამდენიმე გამარჯვებული ჰყავდა, მაგრამ, „ნესქვიკს“ უსაჩუქროდ არავინ დაუტოვებია – ყველას დაურიგეს თავისი პროდუქცია, სასკოლო ნივთები და უგემრიელესი სასმლის მოსამზადებელი ინსტრუქციები. 

ღონისძიებაში მონაწილეობა „ბასტი-ბუბუს“ სტუდიის ბავშებმაც მიიღეს და, ერთიანობაში, ღონისძიება მართლაც რომ შთამბეჭდავი და დაუვიწყარი გამოვიდა, რასაც გამხიარულებული ბავშვები და მათი მშობლებიც აღნიშნავდნენ.