“ბრავო რექორდსი„ ლეგენდარული მომღერლის ალბომზე მუშაობს

კომპანია „ბრავო რექორდსი“ უპრეცედენტო, შეიძლება ითქვას, წლის პროექტზე მუშაობს: ქართული სცენის ლეგენდა, ნანი ბრეგვაძე, საქართველოში პირველად უშვებს სოლო-ალბომს. ალბომზე მუშაობა „ბრავო რექორდსში“ უკვე დასასრულს უახლოვდება. 

პირადად მე, ძალიან გამიკვირდა, როდესაც გავიგე, რომ ნანი ბრეგვაძეს ამ დრომდე საქართველოში გამოშვებული ალბომი არ ჰქონია თუმცა, მალე ძალიან ხარისხიანი და დახვეწილი დისკის მოსმენა მთელ საქართველოს შეეძლება. „ბრავო რექორდსის“ „ფეისბუქის“ ოფიციალურ გვერდზე უკვე დაიდო ერთი სიმღერა, რომელიც ალბომში შევა და მან ინტერნეტ-მომხმარებელთა დიდი მოწონება დაიმსახურა. დარწმუნებული ვარ, ალბომის გამოცემას გრანდიოზული პრეზენტაცია და კონცერტი მოჰყვება.