სიუნ ძი: როცა კარგს ხედავ, პატივისცემით მოეპყარი მას და შეამოწმე, გაქვს თუ არა შენც იგივე ხარისხი. როცა ცუდს ხედავ, ზიზღით შეხედე მას და შეამოწმე, გაქვს თუ არა შენც იგივე შეცდომები.

ლაროშფუკო: ჭკუა დროდადრო იმაშიც გვემსახურება, რომ გაბედულად ვაკეთოთ სიბრიყვე.

პუბლიუსი: ბევრის მპატიებელი ძლიერი, უფრო ძლიერი ხდება.

ბრეხტი: ცხოვრობენ არა იმიტომ, რომ ემოციები განიცადონ, არამედ ცხოვრობენ და განიცდიან ემოციებს.

მანდელა: როდესაც თავისუფლებისკენ მიმავალი გალავნისკენ მივდიოდი, ვიცოდი, რომ მთელ ჩემს ბრაზსა და სიძულვილს უკან თუ არ მოვიტოვებდი, მთელ ცხოვრებას ციხეში გავატარებდი.

კამიუ: თუ ადამიანი საკუთარ სურვილებს ვერ ფლობს, ის ვერაფერს ფლობს.

ლაბრიუერი: სხვისი უბედურების შემყურეს თითქოს გრცხვენია, რომ ბედნიერი ხარ.

პეტრარკა: რაც მეტია სიძუნწე, მით მეტია სიმკაცრეც.

ფრანსი: ბრძნულ უგრძნობლობას მე ყოველთვის ვამჯობინებდი უგუნურებას გრძნობებში.

სოფოკლე: კარგია, ისწავლო მათგან, ვინც საქმეზე ლაპარაკობს.

რუსო: თავშეკავებულობა და შრომა ადამიანის ორი ჭეშმარიტი ექიმია. შრომა ამწვავებს მის მადას, ხოლო თავშეკავებულობა ხელს უშლის მის ბოროტად გამოყენებას.

მონტენი: სიმართლეს იმდენად ვამბობ, რამდენადაც ვბედავ, ოღონდ, რაც უფრო ასაკოვანი ვხდები, მით უფრო იშვიათად ვბედავ ამას.

ბიანტი: ძალა ადამიანს ბუნებით ეძლევა, ნიჭი – სულით, ხოლო ქონება – უბრალო შემთხვევითობით.

დარვინი: მონანიებისა და მოვალეობის გრძნობით სინდისის შთაგონება განასხვავებს ადამიანს ცხოველისგან.

შამფორი: ადამიანები ორ ნაწილად იყოფიან: ერთს, უფრო მცირეს, აქვს სადილი, მაგრამ მადა – არა; მეორეს, უფრო დიდს, დიდებული მადა აქვს, მაგრამ სადილი არ აქვს.

ფიშერი: ხასიათი ადამიანს უდიდეს შესაძლებლობებს ანიჭებს.

მაკიაველი: ადამიანი უფრო ადვილად აწყენინებს იმას, ვინც უყვარს, ვიდრე იმას, ვისი შიშიც აქვს.

ლიხტენბერგი: ყოველ ადამიანში არის რაღაც ყველა ადამიანიდან.

თაგორი: ადამიანი მხეცზე უარესია, როდესაც ის მხეცია.

ვოლტერი: უზომოდ პატარა ადამიანებს უზომოდ დიდი სიამაყე ახასიათებს.

კონსტანტინე: ადამიანმა თავის გარეგნობას ისეთივე ყურადღება უნდა მიაქციოს, როგორც თავის სულს.

შილერი: ადამიანის ნებისყოფა მისი ბედნიერებაა.

ფოიერბახი: თუ გსურს, შეიცნო ადამიანი, შეიყვარე ის.

სანტალინა: ერთადერთი ღირსება ადამიანისა, ალბათ, მისივე უნარია, რომ თავის დაფასება შეძლოს.

ბუნინი: ქალების სიძლიერის მთავარი იარაღი მათი სისუსტეა.

მელიხანი: მამაკაცს ქალი მზერით უყვარს და სმენით სძულს.