კითხვა: მაქვს საკმაოდ მკვეთრად გამოხატული ჭორფლი. მაინტერესებს, რეალურად არის თუ არა შესაძლებელი მისი მოშორება და როგორ?

პასუხი: ჭორფლის მოსაშორებლად ყველაზე ეფექტურ საშუალებად ითვლება სელიქტიური ლაზერი (აუცილებლად გამოცდილ სპეციალისტს უნდა მიმართოთ). შედარებით მკრთალი ჭორფლი ქრება ერთი-ორი სეანსის შემდეგ, უფრო ძლიერი ჰიგმენტაციის შემთხვევაში კი 4-6 პროცედურაა საჭირო.

კითხვა: რა არის ფლოატინგი?

პასუხი: ეს არის მომადუნებელი პროცედურა, რომელიც ქმნის ღრუბლებში აორთქლების იმიტაციას. თქვენ ეშვებით წყლით სავსე რეზერვუარში, რომელშიც წყლის ზედაპირზე დაფენილია თხელი ქსოვილი (ანუ, თქვენ ქსოვილზე წვებით და ისე ეშვებით წყალში). ეფექტი – სრული ანტისტრესი.

კითხვა: რაც ასაკში შევედი (40 წლის ვხდები), სახეზე რამდენიმე ადგილას დამაჩნდა წვრილი სისხლძარღვები. არსებობს თუ არა რაიმე პროცედურა, რომელიც მათ ვიზუალურად გააქრობს?

პასუხი: დიახ, არსებობს. ასეთ პროცედურას ჰქვია „ლაზერული კოაგულაცია.” იდეალური შედეგის მისაღებად საკმარისია 5-7 სეანსი.

კითხვა: რა შეიძლება იყოს სახის კანზე სისხლძარღვოვანი „ვარსკვლავების” გაჩენის მიზეზი?

პასუხი: მიზეზი ბევრია: ულტრაიისფერი სხივებით სისხლძარღვების დაზიანება, ჰორმონული მალამოების უკონტროლოდ გამოყენება და ასე შემდეგ. ცხვირზე გაჩენილი წვრილი სისხლძარღვები კი მიუთითებს სასუნთქი სისტემის პრობლემებზე.

კითხვა: შეიძლება თუ არა სალონში ფრჩხილების გამაგრება?

პასუხი: რა თქმა უნდა, შეიძლება. მაგალითად, არსებობს მეთოდი, რომელშიც საერთოდ არ გამოიყენება ლითონის ინსტრუმენტები, ლაკსა და კრემებს კი სამკურნალო დანიშნულებაც აქვს. ფრჩხილების მტვრევადობა მთლიანად იკურნება 3 თვეში.

კითხვა: რომელი წყალია თმისთვის უმჯობესი – ონკანის თუ ანადუღარი?

პასუხი: თმისთვის უმჯობესია ანადუღარი წყალი, მით უფრო, თუ თქვენს ონკანში ხისტი წყალი მოედინება (რადგან ის თმაზე ტოვებს თხელ თეთრ ნალექს, თმა უხეშდება და უფერულად გამოიყურება); ანადუღარი წყალი კი არბილებს თმას და ბზინვარებას სძენს მას.