კითხვა: დავიბადე 1986 წლის 8 სექტემბერს, დილის 6 საათზე. რა არის ჩემი კარმულ-კოსმიური მისია დედამიწაზე და გამიმართლებს თუ არა უცხოეთში?

პასუხი: თქვენი კარმული მისია უცხოეთი ნამდვილად არ არის და არც დიდი წარმატებების მომტანია, თუმცა, არც გეკრძალებათ. ამიტომ, შეგიძლიათ, გარკვეული დროით იქ მოსინჯოთ ძალები. თქვენი კარმულ-კოსმიური მისიაა, იყოთ ორგანიზებული, დისციპლინირებული, შეუპოვარი, მიზანდასახული, მომთმენი, ნებისყოფიანი, პრაქტიკული; გამოავლინოთ მებრძოლი სულისკვეთება, შეძლოთ საკუთარ თავზე პასუხისმგებლობის აღება, შუამავლის ფუნქციის შესრულება. ურთიერთობებში დაეყრდენით ცოდნის ბაზასა და დიპლომატიას.

კითხვა: დავიბადე 1997 წლის 4 აგვისტოს, საღამოს საათებში. რომელ სფეროში მივაღწევ წარმატებებს?

პასუხი: პროფესიებიდან თქვენთვის წარმატებების მომტანია: სახელმწიფო ზემაღალ ეშელონებში ადმინისტრაციულ-ორგანიზატორული საქმიანობა, მანქანათმშენებლობა, მანქანების ბიზნესი, საინჟინრო სფერო, სამხედრო სტრუქტურები, სამეცნიერო-კვლევითი საქმიანობა, საკონსტრუქტორო, საგამომგონებლო საქმიანობა, ფსიქოთერაპია, სპორტი, პოლიტიკის ფართო სპექტრი.

კითხვა: დავიბადე 1997 წლის 4 მარტს, ღამის 1 საათიდან 2-ის ნახევრამდე. რომელი პროფესიაა ჩემთვის სამომავლოდ წარმატებების მომტანი?

პასუხი: პროფესიებიდან თქვენთვის მისაღებია: პოეზია, ლიტერატურა, ხელოვნების ფართო სპექტრი, ქორეოგრაფია, ფოტოხელოვნება, დიზაინი, სამოდელო სფერო, არქიტექტურა, პარფიუმერიულ-კოსმეტიკური ბიზნესი ან საქმიანობა, იურისპრუდენცია, სადალაქო საქმე, საკონდიტრო ინდუსტრია ან ბიზნესი, სოციოლოგია, ფილოსოფია, ფსიქოლოგია, ტურიზმი, პოლიტიკის ფართო სპექტრი, პროფესიონალური დიპლომატია საელჩოებისა და საკონსულოების დონეზე, პედაგოგიური მოღვაწეობა, სპორტი.