ლაუბი: სიტყვის თავისუფლება: თქვენ ამბობთ, რაც თქვენ გსურთ, ჩვენ ვაკეთებთ, რაც ჩვენ გვსურს.

რენანი: ზნეობაში, ისევე როგორც ხელოვნებაში, თქმა არაფერია, ქმნა – ყველაფერი.

ლაროშფუკო: ყველა ვნება მარტოოდენ სხვადასხვა გრადუსია – ცხელი ან ცივი სისხლისა.

ვისნერი: ვაჟკაცობა იმის გაბედვაა, რომ მეტი შეძლო, ვიდრე შეგიძლია.

ებნერ-ეშენბახი: ერთგულების გამოჩენა სხვათა მიმართ არის სათნოება, სხვათა ერთგულების განცდა არის ბედნიერება.

რივაროლი: ენის სული ყველაზე ნათლად ცხადდება მის უთარგმნელ სიტყვებში.

გოეთე: ეშმაკი ეგოისტია.

ტურგენევი: ადამიანი კი არ ატარებს დროს, დრო ატარებს ადამიანს.

ვოლტერი: გაჭირვება ყველა მეცნიერებაზე მეტს ქმნის.

გოეთე: გამოცდილება გვანიჭებს იმედს.

ჰერდერი: ბოროტმოქმედებას სჩადიან მხოლოდ სუსტები, ძლიერს ის არ სჭირდება.

ტოლსტოი: როგორც ცეცხლი ცეცხლს ვერ ჩააქრობს, ასევე, ბოროტი ბოროტს ვერ გააქრობს.

იუვენალისი: ვერც ერთი ბოროტი ადამიანი ბედნიერი ვერ იქნება.

სტენდალი: ადამიანი ამქვეყნად იმისთვის კი არ ცოცხლობს, რომ გამდიდრდეს, არამედ იმისთვის, რომ ბედნიერი იყოს.

ბელინსკი: ვისაც კარგად არ ახსოვს თავისი ბავშვობა, ის ცუდი აღმზრდელია.

ბოსტრემი: მხიარული ადამიანები უფრო სწრაფად გამოჯანსაღდებიან, რადგან მხიარული ფიქრებიც უხდება ყოველგვარ ავადმყოფობას.

ჰაინე: სილამაზეს სიკეთე სჯობია.

არისტოტელე: გაიძვერას სინდისი რომ გაუღვიძო, სილა უნდა გააწნა.

სერვანტესი: სჯობს, სიწითლე სახეზე, ვიდრე ლაქა გულზე.

სენეკა: თუ გსურს, რომ სხვებს უყვარდე, შენ თვითონ უნდა გიყვარდეს.

მეტერლინკა: სიყვარული ყველაზე ღვთაებრივი ფორმაა უსასრულობისა.

კაზანოვა: სიყვარულის სამი მეოთხედი ცნობისმოყვარეობაა.

მენანდრე: ვინც ბევრს გაბედავს, ბევრჯერაც შეცდება.

ნიცშე: შიში ზნეობის დედაა.

ლინკი: შიში გაფრთხილების სიგნალია, რომელსაც ბუნება გვაძლევს: იმოქმედე!

ეპიქტეტი: შური მტერია ბედნიერთა.

რიუკერტი: ორჯერ არავინ ცხოვრობს, მაგრამ ისეთიც ბევრია, ვინც ერთხელ ცხოვრებაც არ იცის.

ლესინგი: რასაც ძლიერებას უწოდებენ – არაფერია, ჭეშმარიტი ძალა ცდუნებაა.

ლობერგერი: ძლიერი ის არის, ვინც ძალას მოთოკავს.

კაუარდი: დაკარგულია ქალი, რომელსაც ყველა ეძებს.

უაილდი: ქალის სურვილი მამაკაცისთვის კანონია, სანამ ის მამაკაცისთვის სასურველია.