ვერფელი: ყველაზე ნაღდი სიმდიდრე – მოთხოვნილებათა სიღარიბეა.

თალესი: მარტო გარეგნობას კი არ უნდა ილამაზებდეთ, არამედ, ლამაზი უნდა იყოთ თქვენი სულიერი თვისებებით.

რიდი: სიმართლე ის არის, რისთვისაც ადამიანები ერთმანეთს ხოცავენ.

მონტენი: სიმხდალე დედაა ულმობლობისა.

ბიორნე: არაფერი არ ინანო – აი, ეს არის ყოველგვარი სიბრძნის სათავე.

ეზნერ-ეშენბახი: რა არის სინანული? დიდი წუხილი იმის გამო, რომ ჩვენ ისეთნი ვართ, როგორებიც ვართ.

კოლრიკი: სინდისი გონების მაჯისცემაა.

სირუსი: დააჯერეთ სულელი, რომ ხმა არ ამოიღოს და ის ბრძნად გაითქვამს სახელს.

უნამუნო: ყველაზე დიდი სულელი ის არის, ვისაც თავის ცხოვრებაში ერთი სიბრიყვე არ ჩაუდენია.

ჰერბსტი: სიტყვები საგნებია, რომელთაც ჩვენ, შეიძლება, შევეჯახოთ.

გოეთე: სიხარული მხოლოდ მას ენიჭება, ვისაც გაცემა შეუძლია.

შექსპირი: სიყვარული უფრო ძლიერია, ვიდრე სიკვდილის შიში.

ციცერონი: როცა აწმყოში არაფერი აქვთ საამაყო, გუშინდელი დღით ტრაბახობენ.

სუვოროვი: უქმად ყოფნა ყველა ბოროტების ძირია.

პლუტარქე: ვისაც იმედი აქვს, რომ უსაქმურობით შეინარჩუნებს ჯანმრთელობას, იმ კაცივით ბრიყვია, ვინც ფიქრობს, რომ ჩუმად ყოფნით ხმას დაიმუშავებს.

დემოკრიტე: შურიანი კაცი ისე აწყენინებს თავის თავს, თითქოს ისიც მისი მტერი იყოს.

ბირსი: ცბიერება თვისებაა, რომლითაც სუსტი ცხოველები ან ადამიანები განსხვავდებიან ძლიერთაგან.

მორგენშტერნი: არარაობა რომ რაღაცას ეძებს – ეს არის ცხოვრება.

კანტი: წესრიგი ბევრის შეკავშირებაა ერთი წესის მიხედვით.

სენეკა: თუ გინდა, რომ ყოველივე დაიქვემდებარო, თვით შენ დაექვემდებარე გონებას.

სიუნ-ცზი: ხალხში ვერ აღზრდი კეთილ თვისებებს, თუ იგი შეძლებულად არ ცხოვრობს.

ლიხტენბერგი: ხასიათი გონებაში კი არ გვიზის, არამედ – გულში.

მაუდი: ხასიათი ის არის, რასაც შენ სიბნელეში წარმოადგენ.

როლანი: ჯანმრთელობა ისევე გადამდებია, როგორც ავადმყოფობა.

ჰერდერი: დედამიწაზე ორი უდიდესი ტირანია: შემთხვევა და დრო.

ფულერი: დღევანდელი ერთი საათი ხვალის ორ საათს უდრის.

მარკუზე: აზროვნება ძალების დაძაბვაა, რწმენა კი – კომფორტი. 

ჟირარდენი: ალღო გონიერების ცხვირია.

ჩესტერტონი: პატიოსანი ქალი არასდროს იტყუება, თუ, რა თქმა უნდა, საქმე არ ეხება მის ასაკს, წონასა და ქმრის შემოსავალს.

როულენდი: ქმარი – ესაა ის, რაც სიყვარულისგან ნერვის ამოღების შემდეგ დარჩა.