* კონსერვატორმა ინგლისელებმა მხოლოდ 1947 წელს გააუქმეს თანამდებობა, რომელზე დანიშნული პირიც ნაპოლეონ ბონაპარტის ინგლისში ჩასვლა-წამოსვლას ზარბაზნის სროლით ამცნობდა ხალხს.

* არამეული ენა, რომელზეც წმიდა მარიამი ლაპარაკობდა, დღევანდელი აისორების სალაპარაკო ენაა.

* დოსტოევსკის მუზეუმში არის დარბაზი, სადაც 74 სხვადასხვა ფორმის ნაჯახია გამოფენილი. ისინი გამოიყენებოდა სხვადასხვა დროს, სხვადასხვა თეატრში დადგმულ სპექტკალში – „დანაშაული და სასჯელი.“ 

* რომაელებს ჰქონდათ ფრაზა – AB OVO, რაც დაახლოებით ითარგმნება, როგორც „დაწყება“, „უპირველესად“, სიტყვასიტყვით კი ნიშნავს „კვერცხიდან“. საქმე ისაა, რომ ისინი სადილს ყოველთვის კვერცხით იწყებდნენ.

* ბუმერანგის გასროლის სიშორის რეკორდი – 130 მეტრი – ავსტრალიელ ფრენკ დონელინს ეკუთვნის.

* სიტყვა „ბარი“ „ბარიერისგან“ წარმოიშვა.

* ცნობილი ბელორუსული ხალხური ცეკვა „ბულბა,“ კარტოფილის აღებისას სრულდებოდა და, რადგან ამ დროს ხელები ძალიან ჭუჭყიანი ჰქონდათ, მოცეკვავეები მათ ზურგს უკან მალავდნენ. ეს ტრადიცია ამ მოდერნიზებურ ცეკვასაც შემორჩა.

* ავსტრალიელმა გამყიდველმა ფრედ ჯოუნსმა სამკილომეტრიანი მოგზაურობა ჩაატარა გაბერილი ბუშტებით და თავის საქონელს ასე გაუკეთა რეკლამა.

* ჯამახირია არაბულად იგივეა, რაც რეჩ პოსპოლიტა, ანუ – რესპუბლიკა.

* იაპონიის ქალაქ მაცუსიროში სტუმრებს მიწისძვრის შემთხვევაში კომპენსაციის სახით ლუდს ურიგებენ; სამადგილიან ნომრებში მყოფებს – ნახევარ ფასს ახდევინებენ, ხოლო ოთხ და მეტადგილიანში მობინადრეები გადასახადიდან სრულიად თავისუფლდებიან. 

* კასპიის ზღვიდან ჩრდილო-დასავლეთით მქროლავ ქარს ადგილობრივი მცხოვრებლები ივანს ეძახიან, სამხრეთ აღმოსავლეთისას კი – მუჰამედს.

* ბირმაში არის მიაუს ტომი, რომელშიც შედის თეთრი, წითელი, ლურჯი, შავი და ჭრელი მიაუები – ისინი ამგვარად ტანსაცმლის ფერის მიხედვით იყოფიან.

* იქ, სადაც ნიანგებია, ბეჰემოტები არ ბინადრობენ, რადგან, ნიანგები პატარა ბეჰემოტებს ჭამენ, ხოლო ბეჰემოტები ნაპირზე გამოდიან და ნიანგების კვერცხებს თელავენ.

* ძველი რომაელები კბილის ჯაგრისისა და პასტის ნაცვლად ზეთისხილის რტოს იყენებდნენ.