ჟურნალმა „ფორბსმა”  მსოფლიო მილიარდერების ტრადიციული რეიტინგის გამოქვეყნების შემდეგ, ცალკეული კონტინენტების მიხედვით მილიარდერების რეიტინგიც შეადგინა. ამჯერად გთავაზობთ აფრიკელი მილიარდერებისგან შემდგარ ტოპ-ათეულს.

ალიკო დანგოტე (12 მილიარდი დოლარი) – ნიგერიელი ალიკო დანგოტე ყველაზე მდიდარი აფრიკელია მსოფლიოში. ის ჩართულია ცემენტის, შაქრის, ფქვილის ბიზნესში. მისი კომპანია „დანგოტე ცემენტი” ცემენტის უმსხვილესი მწარმოებელია აფრიკის კონტინენტზე.

ნიკი ოპენჰაიმერი და ოჯახი (6,4 მილიარდი დოლარი) – სამხრეთაფრიკელი ოპენჰაიმერის შემოსავლის ძირითადი წყარო ალმასების საბადოებია. 

იოჰან რუპერტი და ოჯახი (5,7 მილიარდი დოლარი) – მილიარდიანი ქონება სამხრეთაფრიკელმა იოჰან რუპერტმა  ძვირფასი ნივთებით ვაჭრობით დააგროვა. რუპერტების ოჯახი, ასევე, აკონტროლებს თამბაქოს კონგლომერატ BAT-ს, რომლის შემადგენლობაშია: „კარტიე”, „ალფრედ დანჰილი” და „მონტბლანი”.

ნასეფ სავირისი (5,5 მილიარდი დოლარი) – ეგვიპტელი მილიარდერი წარმოადგენს აფრიკის უმსხვილეს სამშენებლო კომპანიას – „ორასკომ კონტრქშნ ინდასტრის”.

მაიკ ადენუგა (4,6 მილიარდი დოლარი) – მაიკ ადენუგას ნიგერიაში იცნობენ როგორც ნავთობმაგნატს; ის, ასევე, ფლობს ფიჭური კავშირგაბმულობის კომპანია „გლობაკომ ლიმიტედს”, რომელიც 30 მილიონ ნიგერიელს ემსახურება.

კრისტოფელ ვიზე (2,7 მილიარდი დოლარი) - ვიზე 1 000-მდე დისკაუნტის მაღაზიას ფლობს აფრიკის კონტინენტზე.

ოსმან ბენჯელუნი (2,75 მილიარდი დოლარი) – 80 წლის მაროკოელი ბიზნესმენი ფლობს უმსხვილეს სადაზღვევო კომპანიას მაროკოში.

პატრის მოტსეპე (2,65 მილიარდი დოლარი) – კომპანია „აფრიკან რეინბოუ მინერალსის” სამხრეთაფრიკელი მფლობელი პატრის მოტსეპე ძვირფასი და ფერადი ლითონების საბადოების მფლობელია.

ნაგიბ სავირისი (2,5 მილიარდი დოლარი) – ნაგიბი ეგვიპტელი მილიარდერების – სავირისების ოჯახის წარმომადგენელია. იგი, ასევე, ფლობს წილებს სამშენებლო ბიზნესში.

მოჰამედ მანსური (2,2 მილიარდი დოლარი) – ეგვიპტელი ინვეტსორი, რომელიც ფლობს „მაკდონალდსის” ქსელის რესტორნებს ეგვიპტეში და, ასევე, ჩართულია სიგარეტ „ფილიპ მორისის” წარმოებაში.