ლაო ძი: ვისაც ცოდნა აქვს და თავი უცოდინარივით უჭირავს, ის მაღალ დონეზე დგას; ვინც უცოდინარია და თავი მცოდნედ მოაქვს – ის ავადმყოფია.

დიდრო: ადამიანები მაშინ წყვეტენ აზროვნებას, როცა კითხვას ანებებენ თავს.

ლაბრუიერი: უკიდურესობანი ყოველთვის მანკიერია და შექმნილია ადამიანის მიერ.

ჟუბერი: ყველაფერი, რაც ზედმეტია, ზნესაც უფუჭებს ადამიანს და გონებასაც.

ლაროშფუკო: სუსტი ხასიათის მქონე ადამიანებს გულწრფელობის უნარი არ შესწევთ.

ჰალიფაქსი: განათლება ის არის, რაც გვრჩება, როცა არ ვივიწყებთ, რაც გვისწავლია.

პეტეფი: გამოცდილება სახელია, რომელსაც ადამიანები თავიანთ სიბრიყვესა და საზრუნავს არქმევენ.

ჰიუგო: სრული ბედნიერების მისაღწევად საკმარისი არ არის, ფლობდე ბედნიერებას – ჯერ უნდა დაიმსახურო იგი.

დისტერვეგი: აწმყო ადამიანს სიამოვნებას აგრძნობინებს არა იმით, რაც მოუპოვებია, არამედ, იმით, რასაც ესწრაფვის, როგორც უმაღლეს მიზანს.

პისარევი: აღზრდაში მთავარია, ვინ არის აღმზრდელი.

მარქსი: აღმზრდელი თვით უნდა იყოს აღზრდილი.

სენეკა: პატარა მწუხარება ყბედია, დიდი კი – ხმაამოუღებელი.

მაო ძე დუნი: პოლიტიკა უსისხლო ომია, ომი კი – სისხლიანი პოლიტიკა.

ეზოპე: უბედური ის კი არ არის, ვინც ბრძანებით აკეთებს რამეს, არამედ ის, ვინც ამას თავისი ნებისყოფის წინააღმდეგ აკეთებს.

პასკალი: ადამიანთა მთელი უბედურება გამოწვეულია ერთადერთი მიზეზით – მათ არ შეუძლიათ ერთ ოთახში მშვიდად დარჩენა.

დავენანი: ჩვენ ყველას საკმაო ძალა გაგვაჩნია იმისთვის, რომ სხვათა უბედურება ავიტანოთ.

ტოლსტოი: უფრო ხშირად მამაცობაზე ლაპარაკობენ ლაჩრები, ხოლო კეთილშობილებაზე – გაიძვერები.

ესქილე: ხალხის აზრი დიდი ძალაა.

ჰომეროსი: ხალხის ხმა – ღმერთის ხმაა.

დემოკრიტე: ვისაც ხასიათი მოწესრიგებული აქვს, მას ცხოვრებაც კეთილმოწყობილი აქვს.

პლუტარქე: ხასიათი სხვა არაფერია, თუ არა ხანგრძლივი ჩვეულება.

ტორი: თქვენი ჯანმრთელობის შესახებ იმსჯელეთ იმისდა მიხედვით, თუ როგორ გახარებთ დილა და გაზაფხული.

არისტოტელე: იუმორი დაძაბულობის შენელებაა, ამიტომაც, ის დასვენებაა.

უაილდი: ქალი ისე გვეპყრობა, როგორც კაცობრიობა თავის ღმერთებს: თაყვანს გვცემს და თავს გვაბეზრებს, რადგან, გამუდმებით რაღაცას გვთხოვს.

გრინი: ქალების ბევრ პრობლემას, რომელთა წინაშეც საუკეთესო ფსიქიატრიც კი უძლურია, ხშირად მეორეხარისხოვანი პარიკმახერი აგვარებს.