* მეორე მსოფლიო ომამდე, ფირფიტებს, რომლებზეც ჩაწერილი იყო პოპულარული მომღერლების: ლეონიდ უტიოსოვის, ვადიმ კოზინის, თამარ წერეთლის სიმღერები, ფულით ვერ იყიდდით. ისინი მხოლოდ იცვლებოდა... გატეხილ ფირფიტებზე.

* 1930 წლის 15 მაისს ინსტრუქცია მიიღო პირველმა სტიუარდესამ – ელენ ჩერჩ მარშალმა: მას უნდა დაეხოცა ყველა ბუზი, მოემართა საათი, გაეწმინდა ფეხსაცმელი მსურველთათვის...

* ვენაში რუსეთის ელჩს პოტიომკინისთვის კლავისინისტად მოცარტის გაგზავნა უნდოდა და მოლაპარაკებებსაც აწარმოებდა.

* 1985 წელს უიტნი ჰიუსტონმა გამოსცა თავისი პირველი ალმომი 14-მილიონიანი ტირაჟით. ალბომმა, სახელწოდებით „უიტნი ჰიუსტონი“, რეკორდი ორ ნომინაციაში დაამყარა – როგორც დებიუტანტმა და როგორც ქალმა.

* 1942 წელს საბჭოთა ჯარები მდინარე ვოლხოვთან ალყაში მოექცნენ. პრობლემა გახდა მათი კვება, რადგან პროდუქტით ჰაერიდან ამარაგებდნენ. მზარეულმა-ეფრეიტორმა პიმენოვმა წინადადება წამოაყენა, რომ ყველაზე ოპტიმალური პილმენი იქნებაო. იდეა მოიწონა მიქოიანმა და ჯარისკაცებს მოსკოვის ხორცკომბინატში დამზადებული 5 მილიონი პილმენი „ჩაუყარეს“.

* გასული საუკუნის 70-იან წლებში ამერიკის შეერთებული შტატების სამხედრო-საზღვაო ძალებმა მიიღო 500 ცალი ელექტროგამომთვლელი მანქანა, ტექნიკური მონაცემებით: წონა 50-100 კილოგრამი, სიგრძე 510 მილიმეტრი, სიგანე – 410 მილიმეტრი, სიმაღლე 610 მილიმეტრი. ისინი 90-იანი წლების დასაწყისამდე გამოიყენებოდა.

* მოგზაურმა ჟერარ დე აბოვილმა ნიჩბებიანი ნავით გადალახა წყნარი ოკეანე. თან ჰქორნდა მხოლოდ საკვები და ზღვის წყლისგან მტკნარი წყლის მისაღები აპარატი, რომელიც ნიჩბების მოსმის დროს გამომუშავებული ენერგიით მუშაობდა.

* დღე-ღამის განმავლობაში ცხენს მხოლოდ 3 საათი სძინავს, ძროხას – 4, ღორს – 8, თხუნელას – 9, ზღარბს – 10, იაგუარს – 11, მგელს – 13, ციყვს – 15, ღამურას – 20.

* საბჭოთა დროს თეატრალურ საზოგადოებაში საიუბილეო საღამოებს „საბავშვო დადგმებს“ ეძახდნენ.