კატალოგი
პოლიტიკა
ინტერვიუები
ამბები
საზოგადოება
მოდი, ვილაპარაკოთ
მოდა + დიზაინი
რელიგია
მედიცინა
სპორტი
კადრს მიღმა
კულინარია
ავტორჩევები
ბელადები
ბიზნესსიახლეები
გვარები
თემიდას სასწორი
იუმორი
კალეიდოსკოპი
ჰოროსკოპი და შეუცნობელი
კრიმინალი
რომანი და დეტექტივი
სახალისო ამბები
შოუბიზნესი
დაიჯესტი
ქალი და მამაკაცი
ისტორია
სხვადასხვა
ანონსი
არქივი
ნოემბერი 2020 (103)
ოქტომბერი 2020 (210)
სექტემბერი 2020 (204)
აგვისტო 2020 (249)
ივლისი 2020 (204)
ივნისი 2020 (249)

ექიმის რჩევები

კითხვა: ვარ 8 თვის ორსული, გამიჩნდა სტრიები. უსაფრთხოა თუ არა ორსულობის დროს „მუმიოს“ გამოყენება?

პასუხი: არ გირჩევთ. გამოიყენეთ პრეგნაქეას მალამო.

კითხვა: ტერფის სოკოს შემთხვევაში როგორია ფეხსაცმელების სტერილიზაციის წესი?

პასუხი: ფეხსაცმლისა და წინდების დეზინფექცია შეგიძლიათ 40-პროცენტიანი ძმრის ან  1 პროცენტი ქლორჰექსიდინის ბიგლუკონატის საშუალებით. ამ ხსნარებში დასველებული დოლბანდით გამოასუფთავეთ ფეხსაცმელი და  შიგნითაც დატოვეთ, ჩააწყვეთ პოლიეთილენის პარკში და გააჩერეთ  24 საათის განმავლობაში, შემდეგ კი გაანიავეთ სუნის გაქრობამდე.

კითხვა: ვარ 22 წლის. ფეხის დიდ თითთან მეზრდება ძვალი, თან უკვე მაწუხებს ტკივილები. ვისვამ იოდს, მაგრამ, შედეგი მცირეა, მაინტერესებს რით ვუშველო? ოპერაცია რომ გავიკეთო,  აღარ გამომეზრდება?

პასუხი: დიაგნოზის დასადგენად უნდა მიმართოთ ორთოპედს ან ტერფების სპეციალისტს. საფიქრებელია ტერფის პათოლოგია. ალბათ, საჭირო გახდება ღაბაშების (სუპინატორების) გამოყენება. არსებობს მკურნალობის ქირურგიული მეთოდიც.

კითხვა: როგორ უნდა მოვამზადო ქონდრის ნახარში ხველებისთვის? დაფქული უმჯობესია თუ დაუფქვავი? ხმელი თუ ნედლი?

პასუხი: ნაყენისთვის გამოიყენეთ ხმელი ქონდარი: 1 ჩაის კოვზ ბალახს დაასხით ერთი ჩაის ჭიქა მდუღარე წყალი, დადგით თავდახურული 10-15 წუთის განმავლობაში, შემდეგ დაატკბეთ თაფლით და დალიეთ ცხელი, ჩაის მაგივრად.

კითხვა: რამდენია ჰემოგლობინის ნორმა ქალებში? რა სახით უნდა მივიღოთ ხორცი და რისი ხორცი ჯობია? 

პასუხი: ქალებში ჰემოგლობინის ნორმალური მაჩვენებლია 12,0-16,0.  მისი მომატების მიზნით, უმჯობესია მიირთვათ საქონლის ახალი  (გაუყინავი) მოხარშული ხორცი, ან, ჯანმრთელი ცხოველის ღვიძლი (საქონლის და ღორის).

კითხვა: ორსულობის დასაწყისში თუ ხდება ტემპერატურის აწევა? სულ იცის თუ ხანდახან?

პასუხი: ორსულობამ სიცხეები არ „იცის”. უნდა გაარკვიოთ ტემპერატურის აწევის მიზეზი.

კითხვა: ამბობენ, იოდის ნაკლებობა ხელს  უწყობს სისხლის შესქელებასა და თრომბის წარმოქმნასო. ეს მართალია?

პასუხი: დიახ, არსებობს მონაცემები, რომ იოდი ხელს უწყობს სისხლის შედედებასა და თრომბის წარმოქმნას.

კითხვა: ვარ 25 წლის, გათხოვილი. რა შეიძლება იყოს სქესობრივი აქტის შემდეგ სისხლიანი გამონადენის მიზეზი?

პასუხი: სისხლდენა სქესობრივი აქტის შემდეგ სხვადასხვა გინეკოლოგიური დაავადების ერთ-ერთი სიმპტომია. დროულად მიმართეთ გინეკოლოგს. აუცილებელია ვაგინალური ექოსკოპია, საშოს დათვალიერება სარკეებით, PAP-ტესტი, კოლპოსკოპია.

скачать dle 11.3