„მძულს უგულო სიყვარული, ხვევნა-კოცნა, მტლაშა-მტლუში“

ჩვენმა საკანონმდებლო ორგანომ სულ პირველად ამომრჩეველს იმით დაამახსოვრა თავი, რომ არასრულწლოვნებისთვის არასტანდარტული პრეზერვატივების მიყიდვა  აკრძალა, ხოლო სკოლების სიახლოვეს მათ გაყიდვასაც დაადო ვეტო.

სულ ახლახან გაირკვა, რომ ჯანდაცვის სამინისტრო საკეისრო კვეთებზე აპირებს შეზღუდვების დაწესებას (ჯერჯერობით, ერთი ისევ კაბას ვიცვამთ ჩვენს გემოზე), იმის პარალელურად, რომ შსს-ს ინიციატივით, საზოგადოებრივი თავშეყრის ადგილებში უხამსი ქმედებების გამო დავჯარიმდებით (ერთი სიტყვით, ჩვენი სახელმწიფო ფხიზლად დგას ჩვენს მოქალაქეთა მორალურობის  სადარაჯოზე!).

ზემოჩამოთვლილი გადაწყვეტილებები საზოგადოებამ არაერთგვაროვნად შეაფასა: ზოგმა მოიწონა, ზოგმა – არა, ზოგისთვისაც – სულერთია. თუმცა, მაგალითად, იტალიის პარლამენტის ერთი სქესის წევრები პარლამენტის სხდომაზე, ლგბტ-ელთა უფლებების დაცვის მიზნით, ერთმანეთის ბაგეებს დაეწაფნენ.

იტალიელ კანონშემოქმედთა გამოცდილების გათვალისწინებით, სავარაუდოდ, ისევ ბუსუსებიანი პრეზერვატივის აკრძალვა ჯობდა, რადგან, საჩვენებელ გაკვეთილებს მაინც ავცდით.