ინოვაციური  ტექნოლოგიის ფლაგმანის – „Samsung Galaxy Note 3-ის“ პირველი ეგზემპლარი უკვე საქართველოშია. მედიის წარმომადგენლებისთვის ტექნოლოგიური შედევრის პრეზენტაცია Samsung-ის მენეჯმენტმა თბილისში, ბრენდის მაღაზიაში, ჭავჭავაძის N48-ში, 17 სექტემბერს გამართა.

კომპანიის ინფორმაციით, „Samsung Galaxy Note 3-ის“ სადემონსტრაციო მოდელის დათვალიერება, ფუნქციების გაცნობა და წინასწარი შეკვეთა მომხმარებელს 17 სექტემბრიდან შეუძლია, ხოლო ოფიციალურად გასაყიდად „Samsung Galaxy Note 3“ 27 სექტემბრიდან შემოვა.

ახალი ფლაგმანი მოდელის – „Samsung Galaxy Note 3-ის“ პრეზენტაცია რამდენიმე დღის წინ ბერლინში მოეწყო. კომპანიის მენეჯმენტში  აცხადებენ, რომ აღნიშნული  მოდელი მძლავრია, მდიდარია თავისი შესაძლებლობებით  და შესაბამისად, საკმაოდ ძვირად ღირებულია.

როგორც Samsung-ის მობილური და IT მოწყობილობების გაყიდვების მენეჯერი საქართველოში – შოთა ლურსმანაშვილი აცხადებს, Samsung მომხმარებელს წინასწარი შეკვეთის შესაძლებლობას სთავაზობს. ყველა, ვინც 17-დან 26 სექტემბრის ჩათვლით „Samsung Galaxy Note  3-ის“ წინასწარ შეკვეთას განახორციელებს, მიიღებს:

* 100-პროცენტიანი ფასდაკლების ბარათს „Samsung Galaxy Note 3-ის“ 150 ლარის ღირებულების აქსესუარზე. აღნიშნული აქსესუარი – S-View Cover – არის განახლებული, მრავალფუნქციური და უფრო დახვეწილი, რითაც ძალზედ აადვილებს და უფრო მოსახერხებელს ხდის სმარტფონის მოხმარებას.

* რაც მთავარია, მომხმარებელი დასაჩუქრდება 50-პროცენტიანი ფასდაკლების ბარათით 599 ლარის ღირებულების „Galaxy Note 3-ის“ ინოვაციური საათის ტიპის „Galaxy Gear” აქსესუარ-ით, რომლის მეშვეობითაც მომხმარებელი შეძლებს: ზარის განხორციელებას, ფოტო და ვიდეოგადაღებას, ელექტრონული ფოსტის შემოწმებას, sms შეტყობინების წაკითხვას და ასე შემდეგ. „ბარათის“ მისაღებად საჭიროა, მომხმარებელმა განათავსოს წინასწარი შეკვეთა „Galaxy Note 3-ზე“.

„Galaxy Note 3“ – მსოფლიო სმარტფონების ბაზრის ახალი ფლაგმანია. ის ყველაზე მძლავრი სმარტფონია და აღჭურვილია მრავალი ინოვაციური ფუნქციით, რაც ამარტივებს სმარტფონის გამოყენებას. შესანიშნავი ეკრანი და შეუდარებელი S  pen – „Note 3-ის“ ყველა მომხმარებელს მოხიბლავს,“ - აცხადებს შოთა ლურსმანაშვილი.

საქართველოში Samsung-ის პირველი ოფიციალური მაღაზია აგვისტოში გაიხსნა. კომპანია Samsung 1938 წელს შეიქმნა  და, დღესდღეობით, ელექტროტექნიკის  მწარმოებელი უდიდესი კომპანიაა.