* მსოფლიოში კრიოგენულად გაყინული ყველაზე ცნობილი ადამიანია ლეგენდარული ბეისბოლისტი ტედ უილიამსი, რომლის თავი და ტანი ცალ-ცალკე კონტეინერებშია მოთავსებული. მის შვილს იმედი აქვს, რომ მომავალში გაყინული ქსოვილის დნმ-ით მამამისის გენს აღადგენენ.

* ჯაზი, როგორც მუსიკალური სტილი, მეცხრამეტე საუკუნის დასაწყისში ახალ ორლეანში   დაიბადა. მეოცე საუკუნის ოციან წლებში თავის დედაქალაქად მან ჩიკაგო აირჩია. ამ სტილის ყველაზე თავგამოდებულ თაყვანისმცემლად მიჩნეული სოლტ-ლეიკ სიტიში მცხოვრები, „იუტა ჯაზის“ მწვრთნელი კი სულაც არ არის მუსიკოსი.

* ყოველი წლის 14 მაისს, გრიგორიანული კალენდრით, ებრაელები ისრაელის დამოუკიდებლობის დღეს აღნიშნავენ.

* ბურატინოს როლი თავის დროზე შეასრულეს... სოფი ლორენმა და ინოკენტი სმოკტუნოვსკიმ.

* პირველი მსოფლიო ომის გმირი, კაპიტანი ბარონ ფონ რიხტჰოფენი, რომელსაც 80-ზე მეტი საჰაერო გამარჯვება ჰქონდა, 1918 წლის გაზაფხულზე ჩამოაგდეს. ესკადრილიის მეთაურის ადგილი  დაიკავა მამაცმა მფრინავმა, პირველი ხარისხის რკინის ჯვრის, მახვილიანი ლომის, კარლ ფრიდრიხისა და გოგენცოლერნების ორდენების კავალერმა... ჰერმან გერინგმა.

* გამოთვლებით, ამერიკის შეერთებული შტატების საშუალო სტატისტიკური პრეზიდენტი 57 წლისაა; მისი სამშობლო ვირჯინიისა და ოჰაიოს შტატების საზღვრებია; პროტესტანტია, დაქორწინებული, ჰყავს ორი ვაჟი და ერთი ქალიშვილი. 35-პროცენტიანი ალბათობით, ის თანამდებობას იკავებს მისი წინამორბედის გარდაცვალების ან გადადგომისას. მთავარ გატაცებებს შორის სამწერლო მოღვაწეობაა.