„მუსიკის სახლში“ გაიმართა სამოდელო სააგენტო „ლუქ-მოდელსის“ სტუდიის 2013 წლის გამოსაშვები საღამო. უკვე ტრადიციად იქცა „ლუქ-მოდელსის“ გამოსაშვები საღამო აღინიშნოს ჩვენება-სპექტაკლით, რომელიც ასახავს მოდის ისტორიაში მნიშვნელოვან ეტაპებს. საღამოზე იმღერეს „ლუქ-მოდელსის“ მოდელებმა: ნინა სუბლატმა და ანუნა მდივნიშვილმა, ასევე, სააგენტოს სტუდიის გოგონებმა შეასრულეს ცეკვები, რომლის დამდგმელი ქორეოგრაფია ლელო ჩქარეული. საღამო დასრულდა ჩვენებით, რომელზეც წარმოდგენილი იყო Be next-ის გამარჯვებული ლიკა ყუბანეიშვილის კოლექცია სახელწოდებით „კოკა-კოლა და საბჭოთა კავშირი.“ პროექტის ხელმძღვანელია სამოდელო სააგენტო  „ლუქ-მოდელსის“ დამფუძნებელი ნინო ცქიტიშვილი, ხოლო საღამოს იდეის ავტორი – მსახიობი მარინა საღარაძე. საღამოს ესწრებოდნენ ქართული თეატრის, კინოსა და შოუ-ბიზნესის ცნობილი სახეები.