ნანკა კალატოზიშვილი დიდი ხანია, პრესის ფურცლებზე აღარ ჩანს, ალბათ, ორსულობის ბოლო პერიოდის გატარება მშვიდ ვითარებაში სურდა. თუმცა, ორსულობის ბოლო თვეები ხელს არ უშლიდა, აქტიურად ევარჯიშა და ცხოვრების წესი არცთუ ისე რადიკალურად შეეცვალა. 6 ივნისს კი ნანკა დედა გახდა. მასა და ყოფილ კალათბურთელ, ირაკლი კეიდიას პირველი შვილი შეეძინათ. პატარა ბიჭს წყვილმა დანიელი დაარქვა. დანიელი სამშობიარო სახლ „ბიბიდაში“ გაჩნდა. როგორც ჩვენთვის ცნობილია, ნანკას ექიმი დავით დავარაშვილი იყო.

ჩვენი ჟურნალის სახელით, ვულოცავ წყვილს ამ უდიდეს სიხარულს, ჯანმრთელობას და ბედნიერებას ვუსურვებთ პატარა დანიელს მშობლებთან ერთად.