„სმა-ჭამა დიდად შესარგი…“

როგორც ინგლისურენოვანი გამოცემა Commercial Times–ი გვაუწყებს, ჩვენს სამშობლოში სწრაფი კვების რესტორნების ქსელი SUBWAY შემოდის. მეტიც, როგორც ამერიკაში, თურმე, ისე საქართველოშიც კომპანია მთავარ კონკურენტად „მაკდონალდსის“ ქსელს მიიჩნევს.

ჩვენ არ ვიცით, რას შეჰმატებს ამ ჩვენს ბიუჯეტს აშშ-ის სწრაფი კვების უმსხვილესი ქსელი, მაგრამ ფაქტია, რომ SUBWAY „შრომის კოდექსში“ შეტანილ ცვლილებებს არ შეუშინდა .

მაგრამ ჩვენი კუჭისთვის სასიხარულო ამბები მხოლოდ ამით არ ამოიწურება: ჯერ კიდევ 2012 წელს გვაუწყეს, რომ მიმდინარე წელს კიდევ ერთი ამერიკული ბრენდი Wendy’s-ი დაგვაფასებს (გახსნით, რასაკვირველია). ხოლო „ბურგერ კინგი“ ხომ უკვე ფუნქციონირებს და ფუნქციონირებს (მალე ბათუმშიც გაიხსნებაო). 

ერთი სიტყვით, საქმე სანახევროდ გაკეთებულია (სანახევროდ, რადგან საქართველოს ნახევარ მილიონამდე მოქალაქე სახელმწიფოს შემწეობის იმედადაა): პრასი, ამ კონკრეტულ შემთხვევაში, სწრაფი კვების მსოფლიო ბრენდებია გვაქვენ, ახლა საქმე ჯიბეების შევსებაზეა.