22 მაისს „დიდუბე პლაზაში” ერთი ძალიან საინტერესო ღონისძიება შედგა – საქართველოში პირველად ჩატარდა ჩემპიონატი სტილისტებს, ვიზაჟისტებსა და მანიკიურის სპეციალისტებს შორის. შეჯიბრებაში მონაწილეობას იღებდნენ 30 სალონის წარმომადგენლები. როგორც მეზობელი ქვეყნებიდან მოწვეულმა ჟიურიმ აღნიშნა, ჩემპიონატი საკმაოდ მაღალ დონეზე ჩატარდა და საქართველოში ამ სფეროში საკმაოდ კვალიფიციური ადამიანები მუშაობენ.

23 მაისს კი კლუბ „ტრიუმფში” შედგა გამარჯვებულების დაჯილდოების ცერემონიალი, რომელსაც ჟურნალ „სალონის” რედაქტორი, საქართველოს სალონებისა და ესთეტიკური ცენტრების მენეჯერი, ანა კვირიკაშვილი უძღვებოდა. 

ჟიურის წევრები მოწვეულები იყვნენ უკრაინიდან, სომხეთიდან და ისრაელიდან. გამარჯვებულები სექტემბერში გაემგზავრებიან მოსკოვში, სადაც 27-28 სექტემბერს ჩატარდება ევროპის ჩემპიონატი. გამარჯვებულები 17 ნომინაციაში გამოვლინდნენ. მათ შორის სურენ პაპაიანი – კრეატიულ ვარცხნილობებში, ვიზაჟი – ლიკა ნიორაძე და მანიკიური – თინა კუჭუხიძე.