ქართველ მელომანებს ცოტა ხანში კიდევ ერთი სიურპრიზი ელით. 22-23 ივნისს, მცხეთაში, „თეატრონის” მიმდებარე ტერიტორიაზე, საერთაშორისო მუსიკალური  ფესტივალი „ოაზისი” გაიმართება, რომელიც საქართველოში პირველად ჩატარდება. ფესტივალი ქართული და ლატვიური კომპანიების – „ემ ეს ივენთისა” და „ლაივ კონცერტის” ორგანიზებით იმართება. ლატვიური კომპანია „ლაივ კონცერტის” გენერალური დირექტორი კირილ ხიმიჩევი რუსი მომღერლის, ზემფირას ტურმენეჯერია. კირილი საქართველოში გასულ წელსაც იყო ჩამოსული და სწორედ მაშინ გაჩნდა მცხეთაში ფესტივალის ჩატარების იდეა. საერთაშორისო მუსიკალურ ფესტივალში მონაწილეობას იღებენ ისეთი ცნობილი მომღერლები და ჯგუფები, როგორებიც არიან: Jahcoozi, Juveniles, WhoMadeWho, Mumy Troll. ბილეთების გაყიდვა 15 მაისს დაიწყო.