6 მაისი

1527 – საღვთო რომის იმპერიის არმიამ აიღო და სასტიკად ააოხრა ქალაქი რომი.

1682 – ლუი მეთოთხმეტის ბრძანებით, საფრანგეთის მეფეთა რეზიდენცია პარიზიდან ვერსალში გადავიდა.

1860 – დაიწყო ჯუზეპე გარიბალდის ბრძოლა ავსტრიელთა ბატონობისგან იტალიის გასათავისუფლებლად.

1937 – მსოფლიოში უდიდესმა დირიჟაბლმა „ჰინდერბურგმა“ განიცადა კატასტროფა. ის მთლიანად დაიწვა, რის შედეგადაც დაიღუპა 36 ადამიანი.

1953 – ფილადელფიელმა ქირურგმა, ჯონ გიბონმა, პირველად წარმატებით გამოიყენა ხელოვნური გულისა და ფილტვის ასამუშავებელი  დანადგარი.

1994 – საზეიმოდ გაიხსნა გვირაბი ლა მანშის სრუტის ქვეშ.

1998 – ყაზახეთის ახალი დედაქალაქი გახდა ქალაქი აკმოლინსკი (უფრო ადრე – ცელინოგრადი), რომელსაც ამიერიდან ასტანა ეწოდა.

7 მაისი

1298 – დაიწყო ბარსელონის საკათედრო ტაძრის მშენებლობა. მისი საბოლოო სახით დასრულება მხოლოდ მეცხრამეტე საუკუნეში მოხერხდა.

1673 – ლონდონში გაიხსნა სამეფო თეატრი – დღეს უძველესი მოქმედი თეატრი მსოფლიოში.

1824 – ვენაში გაიმართა ლუდვიგ ვან ბეთჰოვენის მეცხრამეტე სიმფონიის პრემიერა.

1956 – დიდი ბრიტანეთის ჯანმრთელობის დაცვის მინისტრმა უარი თქვა თამბაქოს საწინააღმდეგო კამპანიის წამოწყებაზე იმ მოტივით, რომ „არ იყო დარწმუნებული თამბაქოს მავნებლობაში.“

1977 – პირველად აჟღერდა ჯგუფ „იგლზის“  ლეგენდარული სიმღერა „ჰოტელ კალიფორნია“.

8 მაისი

1429 – ფრანგებმა ჟანა დარკის წინამძღოლობით ინგლისელები ორლეანიდან გააძევეს.

1945 – ბერლინში, ადგილობრივი დროით 22 საათსა და 43 წუთზე, ხელი მოეწერა გერმანიის უსიტყვო კაპიტულაციის აქტს. გერმანიის მხარეს წარმოადგენდნენ: ვერმახტის ცენტრალური შტაბის უფროსი, გენერალ-ფელდმარშალი კეიტელი, საჰაერო-საზღვაო ძალების სარდალი ფონ ფრიდებურგი და ავიაციის გენერალ-პოლკოვნიკი შტუმფი; ხოლო მოკავშირეების მხარეს – საბჭოთა კავშირის მარშალი ჟუკოვი, დიდი ბრიტანეთის ავიაციის მთავარი მარშალი ტედერი, ამერიკის შეერთებული შტატების სტრატეგიული საჰაერო ძალების მეთაური სპაატსი და ფრანგული არმიის გენერალი დე ლატრ დე ტასინი.

9 მაისი 

1868 – ნევადის შტატში დაარსდა ქალაქი რენო, რომელიც მთელ მსოფლიოშია განთქმული იმით, რომ აქ ყველაზე უფრო ადვილია განქორწინება.

1901 – მელბურნში მუშაობა დაიწყო ავსტრალიის პირველმა პარლამენტმა.

1936 – იტალიამ მოახდინა ეთიოპიის ოკუპაცია.

1960 – პირველად ამერიკის შეერთებულ შტატებში გასაყიდად გამოვიდა ჩასახვის საწინააღმდეგო აბები.

1998 – ბირმინჰემში „ევროვიზიის“ ვოკალურ კონკურსზე გამარჯვება მოიპოვა ისრაელელმა დანა ინტერნეიშნმა. ეს ფაქტი იმით არის აღსანიშნავი, რომ დანა ადრე მამაკაცი იყო.

10 მაისი

1774 – საფრანგეთის ტახტზე ავიდა ლუი მეთექვსმეტე, რომელსაც გილიოტინა ელოდა.

1857 – სიფაების აჯანყება ინდოეთში ინგლისელთა ბატონობის წინააღმდეგ.

1869 – დასრულდა ტრანსამერიკული რკინიგზის მშენებლობა, რომელმაც ერთმანეთს დააკავშირა ატლანტისა და წყნარი ოკეანეები.

1872 – ვიქტორია ვუდჰალმა თავი წარადგინა ამერიკის პრეზიდენტობის კანდიდატად. ეს იყო პირველი ქალი – კანდიდატი.

1933 – ბერლინში, ოპერის მოედანზე ფაშისტებმა მოაწყვეს დიდი აუტოდაფე – დაწვეს 20 000-ზე მეტი წიგნი.

1933 – ნელსონ როკფელერმა სამსახურიდან გაათავისუფლა მექსიკელი მხატვარი დიეგო რივერა, რომელიც მისთვის კომპანიის ახალი შენობის კედლებს ხატავდა. კონფლიქტის მიზეზი გახდა ლენინის პორტრეტი, რომელიც მხატვარმა ერთ-ერთ კომპოზიციაში „შეაპარა“.

1940 – დიდი ბრიტანეთის პრემიერ-მინისტრი გახდა უინსტონ ჩერჩილი.

1994 – ნელსონ მანდელა გახდა სამხრეთ აფრიკის რესპუბლიკის პირველი შავკანიანი პრეზიდენტი.

11 მაისი

330 – ბიზანტიის იმპერიის დედაქალაქად გამოცხადდა ახლად აშენებული კონსტანტინოპოლი. 

868 – ჩინელმა ბერმა ვან ცზემ დაამზადა მსოფლიოში პირველი ნაბეჭდი წიგნი.

1949 – სიამის სამეფოს ეწოდა ტაილანდი.

1997 – მსოფლიოს ჩემპიონი ჭადრაკში გარი კასპაროვი დამარცხდა კომპიუტერ „დიფ ბლუსთან“ ორთაბრძოლაში.

12 მაისი 

1830 – გამოცხადდა სამხრეთ ამერიკის სახელმწიფოს – ეკვადორის დამოუკიდებლობა.

1943 – დაიწყო ამერიკის შეერთებული შტატების ჯარების მიერ განხორციელებული „ალეუტის ოპერაცია“.

1949 – საბჭოთა კავშირმა დაიწყო დასავლეთ ბერლინის ბლოკადა.

1963 – დაიწყო ცურვა კენიჩი ხორიმ, რომელმაც 93 დღეში ნავით მარტომ გადაცურა წყნარი ოკეანე.